კანიე უესტმა და Ty Dolla $ign-მა ერთობლივი მუსიკალური ვიდეო – Vultures (Havoc Version) გამოუშვეს

რეპერების ალბომი, სახელწოდებით Vultures, 9 თებერვალს გამოიცემა.
¥$, Ye & Ty Dolla $ign feat. Bump J & Lil Durk, “Vultures (Havoc Version)”

9 თებერვალს კანიე უესტისა და რეპერ Ty Dolla $ign-ის  ერთობლივი ალბომი გამოდის, რომლის სახელწოდებაა Vultures. ალბომის გამოშვებამდე ერთი დღით ადრე, 8 თებერვალს, რეპერების დუეტმა მუსიკალური ვიდეო – Vultures (Havoc Version) გაავრცელეს. კლიპის რეჟისორი ჯონ რაფმენია.

Მანამდე, კვირის დასაწყისში, კანიემ და Ty Dolla $ign-მა გამოსცეს მუსიკალური კლიპი სიმღერაზე Talking/Once Again, რომელშიც მათი ქალიშვილები მონაწილეობენ. ამ კლიპში კანიეს შვილის, ნორს უესტის, ჰიპ-ჰოპ დებიუტი შედგა: მას სიმღერაში რეჩიტატივის თავისი პარტია აქვს. 

რაც შეეხება უესტისა და Ty Dolla $ign-ის ერთობლივ ალბომს, თუ Vultures დაგეგმილ ვადაში გამოვა და თარიღი კიდევ ერთხელ არ შეიცვალა, LP სტრიმინგ სერვისებზე ხელმისაწვდომი 9 თებერვლიდან უნდა გახდეს. ონლაინ გამოცემამდე, ალბომის პრეზენტაცია უესტის მშობლიურ ჩიკაგოში  გაიმართაა. გავრცელებული ინფორმაციით, უესტმა ღონისძიებისათვის დიდი სტადიონების დაჯავშნა ვერ შეძლო. 

Vultures კანიე უესტის პირველი პროექტია მას შემდეგ, რაც ის სიძულვილის ენისა  და ანტისემიტიზმის გამო სკანდალში გაეხვა. ამ მოვლენების გამო უესტი სოციალურ ქსელშიც კი დაიბლოკა, Adidas-მა კი მას კონტრაქტი გაუწყვიტა.  

ნახეთ მუსიკალური ვიდეო  Vultures (Havoc Version): 

Share
Tweet
Share
Share
Share

წინა სტატია

გიორგი გიგაშვილისა და ნიკალა ზუბიაშვილის „სერიოზული მუსიკა” გერმანიასა და დიდი ბრიტანეთში შესრულდება

შემდეგი სტატია

TikTok-იდან პოპულარული სიმღერების მესამედზე მეტი წაიშალა

შეიძლება დაგაინტერესოთ

დონალდ ტრამპი ტეილორ სვიფტს „უჩვეულოდ ლამაზს” უწოდებს და ვარსკვლავის ლიბერალურ შეხედულებებს ეჭვქვეშ აყენებს

ტრამპმა მომღერლის შესახებ აზრი Variety-ის მთავარი რედაქტორის ახალ წიგნში დააფიქსირა.
მეტი

ცნობილი ფრანგი მუსიკოსი და მოდის სამყაროს გავლენიანი ფიგურა, ფრანსუაზ არდი 80 წლის ასაკში გარდაიცვალა

მას დიდი გავლენა ჰქონდა ისეთ მუსიკოსებზე, როგორებიც არიან ბობ დილანი და მიკ ჯაგერი.
მეტი