აგვისტოს ომის დროს დაწერილი ნაწარმოები – ბიბი კვაჭაძე 16 წლის წინ შექმნილ კომპოზიციას აქვეყნებს

„ყელში გაჩხერილი ბურთი იყო და დღემდე არის ჩემთვის ეს ტკივილი!”
ქავერის ავტორი: ნინო კვაჭაძე

ბიბი კვაჭაძემ მსმენელს ახალი კომპოზიცია წარუდგინა. Arrogance 2008 წელს, აგვისტოს ომის დროს შეიქმნა, თუმცა აქამდე მუსიკოსს ის საჯაროდ არ გამოუქვეყნებია. ომის ტკივილით დაწერილი ნაწარმოების პრემიერა 16 წლის შემდეგ, სწორედ 8 აგვისტოს შედგა. 

ბიბი კვაჭაძე:

„მახსოვს ფსიქოლოგიური ტრავმა, რომელიც აგვისტოს ომის დროს მივიღეთ ყველამ. ნეგატიურ ეიფორიაში ვიყავი… მძულდა აგრესორი და სისხლისმღვრელი! საშინლად მენანებოდნენ ჩვენი ქართველი ბიჭები. ზოგს პირადად ვიცნობდი კიდეც და პატივი მქონდა, წლების განმავლობაში მემუშავა მათთან, როგორც სამხედრო თარჯიმანს. ეს ნარჩევი ვაჟკაცები, რომლებიც ამ უთანასწორო და დაუნდობელ ომს შეეწირნენ… ყელში გაჩხერილი ბურთი იყო და დღემდე არის ჩემთვის ეს ტკივილი! სწორედ იმ პერიოდში ინსტრუმენტს მივუჯექი და ამ ჩანახატის წერა დავიწყე… 

ეს სინგლი აგვისტოს ომს ეძღვნება – ჩემს და ჩვენს დიდ ტკივილს. მისი სახელწოდებაა Arrogance – „ამპარტავნება”, რადგან სწორედ ამპარტავნებაა კაცობრიობის პირველი მტერი. ამ ნაწარმოებში შექმნილი ხმოვანებით, ჰარმონიული ცვლილებებითა და მელოდიკით შევეცადე, გამომეხატა, თუ როგორი შეიძლება იყოს ამპარტავნების მდგომარეობა – ასე ვთქვათ, როგორ „ჟღერს” ძალაუფლების მოყვარული ადამიანი თუ სახელმწიფო და ზოგადად, უსამართლობა. როგორი სიხშირული დატვირთვა აქვს გაბოროტებული ტერორისტის თავში დაბადებულ და განვითარებულ სისხლის წყურვილს. ადამიანი ყველაფერს აკეთებს იმისთვის, რომ ამ პლანეტაზე უბედური იყოს… და ნებისმიერი ომი სწორედ ამპარტავნებით არის გამოწვეული!”

მოუსმინეთ კომპოზიციას Arrogance:

Share
Tweet
Share
Share
Share

წინა სტატია

ჯონ ლეჯენდმა ახალი სინგლი გამოსცა

შემდეგი სტატია

2024 წლის ოლიმპიადის დახურვის ცერემონია: ბილი აილიში, Snoop Dogg, Dr. Dre და სხვები

შეიძლება დაგაინტერესოთ

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი

უნიკალური ტენდენციები, რომლებიც იაპონიის მუსიკალური დაჯილდოებისა და ბილბორდ იაპონიის ჩარტის შედარებამ გამოკვეთა

ნახეთ მსგავსებები და განსხვავებები წლის სიმღერის კატეგორიაში განსახილველ 256 სიმღერასა და ბილბორდ იაპონიის Hot 100-ს შორის.
მეტი