ბრიუს სპრინგსტინი გამოსამშვიდობებელი ტურნეს შესახებ ჭორებს უარყოფს – „ჩვენ გაჩერებას არ ვაპირებთ”

„რას ვემშვიდობებით, როცა ათასობით გულშემატკივარს შენი ნახვა უხარია?“ – განუცხადა ბრიუს სპრინგსტინმა ფილადელფიაში შეკრებილ აუდიტორიას.
ბრიუს სპრინგსტინი - 2024 წლის 18 ივლისი, სტოკჰოლმი Iwi Onodera/Redferns
ბრიუს სპრინგსტინი – 2024 წლის 18 ივლისი, სტოკჰოლმი
Iwi Onodera/Redferns

„რას ვემშვიდობებით, როცა ათასობით გულშემატკივარს შენი ნახვა უხარია?“ – განუცხადა ბრიუს სპრინგსტინმა ფილადელფიაში შეკრებილ აუდიტორიას.

მიუხედავად იმისა, რომ ლეგენდარული როკმუსიკოსის მოღვაწეობა 50 წელზე მეტს ითვლის, ბრიუს სპრინგსტინი სრულებითაც არ აპირებს მუსიკალური კარიერისთვის თავის დანებებას. 23 აგვისტოს, ფილადელფიის Citizens Bank Park-ში გამართული შოუს დროს მუსიკოსმა ჭორები გამოსამშვიდობებელი ტურნეს შესახებ გააქარწყლა და აუდიტორიას განუცხადა, რომ ჯერ გაჩერებას არ აპირებს. „ჩვენ 50 წელზე მეტია, რაც აქ ვართ და არსად წასვლას არ ვაპირებთ! არ ვგეგმავთ გამოსამშვიდობებელ ტურნეს და ეს ნამდვილად არ არის ჩვენი ბოლო მუსიკალური ტურნე.“

„რას ვემშვიდობებით, როცა ათასობით გულშემატკივარს შენი ნახვა უხარია და შენს სახელს ყვირის? არსად წასვლას არ ვაპირებთ,” – განაცხადა ბრიუს სპრინგსტინმა მიმდინარე ტურნეს დროს.

ბოლო ტურნესთან დაკავშრიებით გავრცელებული ჭორები გიტარისტმა სტივენ ვან ზანდტმაც უარყო: „ვერ ვხედავ ვერანაირ დასასრულს, განსაკუთრებით ევროპაში, სადაც ჩვენ დიდი პოპულარობით ვსარგებლობთ.“

ჭორები ბრიუს სპრინგსტინის ჯანმრთელობის მდგომარეობის გაუარესებამ გამოიწვია, როცა გასული წლის სექტემბერში მუსიკოსს ზოგიერთი შოუს გადადება მოუწია.

მიმდინარე ტურნე 22 ნოემბერს ვანკუვერში სრულდება. ოქტომბერში კი დოკუმენტური ფილმის, Road Diary: Bruce Springsteen And The E Street Band-ის გამოსვლა იგეგმება.

Share
Tweet
Share
Share
Share

წინა სტატია

Linkin Park 100-საათიანი უკუთვლის პოსტს აქვეყნებს

შემდეგი სტატია

ლიზო ერთწლიან შემოქმედებით პაუზას იღებს

შეიძლება დაგაინტერესოთ

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი

უნიკალური ტენდენციები, რომლებიც იაპონიის მუსიკალური დაჯილდოებისა და ბილბორდ იაპონიის ჩარტის შედარებამ გამოკვეთა

ნახეთ მსგავსებები და განსხვავებები წლის სიმღერის კატეგორიაში განსახილველ 256 სიმღერასა და ბილბორდ იაპონიის Hot 100-ს შორის.
მეტი