ლეგენდარული მომღერლისა და კომპოზიტორის, ბობ დილანის ბიოგრაფიულ ფილმში A Complete Unknown მთავარ როლს ტიმოთე შალამე ასრულებს.
ფილმის ახალი თიზერი 29 ოქტომბერს გამოქვეყნდა, სადაც მსახიობი დილანის ცნობილ სიმღერას Subterranean Homesick Blues მღერის.
ორწუთიან ვიდეო თიზერში ფილმის კადრები ერთმანეთს ენაცვლება, სადაც ტიმოთე შალამე 1965 წლის ბობ დილანის პოლიტიკური შინაარსით დატვირთულ ჰიტ-სიმღერას მღერის.
გულშემატკივრებმა პირველად ტიმოთე შალამე ბობ დილანის როლის შესრულებისას წლის დასაწყისში ნიუ-იორკში შენიშნეს. რეჟისორმა ჯეიმს მენგოლდმა დაადასტურა, რომ შალამე ბიოგრაფიულ ფილმში სიმღერებს თავად ასრულებს.
„ეს მართლაც საოცარი დროა ამერიკულ კულტურაში. 19 წლის ბობ დილანის ამბავი, რომელიც ნიუ-იორკში ცადის ჯიბეში 2 დოლარით და სამი წლის შემდეგ მსოფლიო სენსაცია ხდება. პირველად ნიუ-იორკის ფოლკ მუსიკის საზოგადოება მას თავისიანად მიიღებს, მოგვიანებით კი მისი კარიერა კიდევ უფრო ფართოვდება” – აღნიშნა ჯეიმს მენგოლდმა.
ტიმოთე შალამემ ბობ დილანის ბიოგრაფიული ფილმში როლის მოსამზადებლად დილანის გამოუქვეყნებელი სიმღერები მოისმინა, რომლებიც მუსიკოსის მენეჯერმა და ფილმის A Complete Unknown პროდიუსერმა ჯეფ როზენმა ტიმოთეს პირადად გაუგზავნა.
ბიოგრაფიულ დრამაში მონაწილეობას ასევე იღებენ: ბოიდ ჰოლბრუქი, დენ ფოგლერი, ნორბერტ ლეო ბუცი და სკუტ მაკნეირი. ფილმის სცენარი ელაიჯა ვალდსის 2015 წლის წიგნის, Dylan Goes Electric-ის შთაგონებით არის შექმნილი. ჯეიმს მანგოლდის თქმით, ფილმის სცენართან დაკავშირებით ლეგენდარული მუსიკოსი ბობ დილანი მას პირადად გამოეხმაურა.
ნახეთ ფილმ A Complete Unknown-ის ახალი თიზერ ვიდეო:
