მელანი ჰამრიკმა ფრანგულ გამოცემა Paris Match-თან საუბარში დაადასტურა, რომ The Rolling Stones-ის ფრონტმენი მიკ ჯაგერი უკვე ორი-სამი წელია, მისი საქმროა. რაც შეეხება ქორწინებას, ჰამრიკმა თქვა: „შესაძლოა, ერთ დღეს დავქორწინდეთ, შესაძლოა – არა. ჩვენ იმდენად ბედნიერები ვართ, რომ ნებისმიერი ცვლილების შემეშინდებოდა.“
მელანი ჰამრიკი – ამერიკული ბალეტის თეატრის ყოფილი ბალერინა და ქორეოგრაფია, რომელიც მიკ ჯაგერს
2014 წლიდან ხვდება. მისი თქმით, პირველად გრძნობა მაშინ გაუჩნდა, როდესაც ისინი ერთმანეთს იაპონიაში შეხვდნენ. მიკ ჯაგერი მაშინ ჯერ კიდევ ხვდებოდა მოდელ ლიურენ სკოტს. მელანი ჰამრიკი იხსენებს: „ჩვენ ერთმანეთისთვის ნომრებიც კი
არ გაგვიცვლია. მე თავისუფალი ვიყავი, მაგრამ ის არ იყო.“
მიკ ჯაგერს და მელანი ჰამრიკს რვა წლის ვაჟი – დევერო ოქტავიან ბეზილ ჯაგერი ჰყავთ, რომელიც დედის ინსტაგრამ პოსტებში ხშირად ჩანს.
ჯაგერს სხვა ურთიერთობებიდან კიდევ შვიდი შვილი ჰყავს. უფროსი შვილი კარისი (54 წლის) 1970 წელს მსახიობ მარშა ჰანტისგან შეეძინა. ერთი წლის შემდეგ ჯაგერმა ბიანკა ჯაგერზე იქორწინა, ვისგანაც გოგო ჯეიდი ( 53 წლის) ჰყავს. ყოფილი
მეუღლისგან ჯერი ჰოლისგან, მომღერალს ოთხი შვილი ჰყავს: ელისაბედი (41), ჯორჯია მეი (33), ჯეიმსი (39) და გაბრიელი (27). არტისტს მოდელ ლუსიანა მორად ჟიმენესთანაც ჰყავს ვაჟი ლუკასი (25 წლის).
