რიანა 2025 წლის Met Gala-ს ხალიჩაზე გამოჩნდა, სადაც დაადასტურა, რომ მესამე შვილს ელოდება. A$AP Rocky ჟურნალისტებთან ამ ფაქტის შესახებ საუბრობს:
„საოცარი შეგრძნებაა, იცით? დავიღალეთ ამ ამბის დამალვით, დრო იყო, გვეთქვა, რისთვის ვემზადებით. მიხარია, რომ ჩვენი ამბავი ყველას აბედნიერებს, რადგან ჩვენ ამით ნამდვილად ბედნიერები ვართ.” – ამბობს რეპერი Associated Press-ის ვიდეოში.
როდესაც არტისტს ჰკითხეს, როგორი შეგრძნებაა, როცა თაყვანისმცემლებისგან ზღვა სიყვარულს იღებს, A$AP Rocky-მ უპასუხა:
„საოცარია. გულახდილად რომ ვთქვა, ეს კურთხევაა. ხანდახან ადამიანებს ერთმანეთის შურთ, თუმცა ჩვენ უმეტესად სიყვარულს ვგრძნობთ. ამას ძალიან ვაფასებთ და გულწრფელად ვიღებთ, რადგან სწორედ ეს არის სიყვარული.”
რიანასა და A$AP Rocky-ს უკვე ჰყავთ ორი ვაჟი. პოპვარსკვლავის პირველი ორსულობის შესახებ ცნობილი მალევე გახდა, როდესაც პაპარაცებმა ნიუ-იორკში დააფიქსირეს ორსული რიანა. მისი მეორე ორსულობა 2023 წლის სუპერბოულის შოუზე გაცხადდა, როდესაც რიანა სცენაზე ღია კომბინიზონით წარდგა.
მომღერალმა მესამე ორსულობის შესახებ ინფორმაცია მოდის ყველაზე მნიშვნელოვან ღონისძიებაზე, Met Gala-ზე გაამჟღავნა, სადაც ის საღამოს თემის (Superfine: Tailoring Black Style) შესაბამისად, მამაკაცის ტანსაცმლით შთაგონებული იმიჯით წარდგა.
ნახეთ A$AP Rocky -ის ნტერვიუ:
