50 13 მაისს Legacy Tour-ის ფარგლებში ევროპაში მიემგზავრება და ჩრდილოეთ აფრიკასაც ესტუმრება.
ტურნე გერმანიაში 8 ივნისს დაიწყება, რომელიც ინგლისში, მაროკოში, შოტლანდიაში, შვეიცარიაში, საფრანგეთში და დანიაში გაგრძელდება, 10 აგვისტოს კი პოლონეთში დასრულდება. ეს ტურნე 50 Cent-სთვის განსაკუთრებულია, რადგან ის თავის 50-ე იუბილეს ეძღვნება, არტისტი 6 ივლისს საკუთარ დაბადების დღეს დუბლინში მასშტაბური კონცერტით აღნიშნავს.
„Legacy Tour იწყება. ამ ზაფხულს ევროპაში მივემგზავრები, რათა ჩემი მუსიკა, დაუვიწყარი მომენტები და 50 წლის იუბილე აღვნიშნო. საოცარი რამ გელით, ეს სრული სიგიჟეა! შეიძინეთ ბილეთები ახლავე,“ – დაწერა 50 Cent-მა პირად ინსტაგრამ გვერდზე.
ამ პოსტს თან კინემატოგრაფიული თრეილერი ახლავს, ვიდეოკოლაჟი არტისტის ბოლო 20 წლის მნიშვნელოვან გამოსვლებს მოიცავს, სადაც პერიოდულად ჩნდებიან G-Unit-ის წევრები, ემინემი და ლებრონჯეიმსი. ბილეთების შეძენა უკვე შესაძლებელია 50 Cent-ის ოფიციალურ ვებგვერდზე.
ჰიპ–ჰოპის ლეგენდამ გრანდიოზული Final Lap Tour სულ ახლახან დაასრულა. ტურნემ, რომლის ფარგლებშიც 83 შოუ გაიმართა, არტისტს 103.6 მილიონი დოლარის მოგება მოუტანა, საერთო ჯამში კი 1.05 მილიონი ბილეთი გაიყიდა. იგი ისტორიაში მეორე რეპერი გახდა, რომელმაც მსგავსი მასშტაბის ტურნე ჩაატარა, პირველ პოზიციას კი ამ მიმართულებით დრეიკი იკავებს.
აღსანიშნავია, რომ 2024 წლის ბოლოსა და 2025 წლის დასაწყისში 50 Cent – Planet Hollywood-ის Ph Live-სცენაზე, ლას ვეგასში, ექვსი შოუთი წარდგა.
„ჰიპ–ჰოპში ყურადღების კონცენტრაცია დაბალია, ძველს ადვილად ანაცვლებს ახალი. ზოგჯერ კი აშკარა წინააღმდეგობებიც ჩნდება. ჩვეულებრივ, ჩვენს კულტურაში იშვიათად არიან არტისტები, რომლებიც დიდხანს ინარჩუნებენ წარმატებას,“ — უთხრა 50 Cent-მა Billboard-ს გასულ წელს.
