A$AP Rocky-მ და Ray-Ban-მა ერთობლივი კოლაბორაციით Wayfarer Puffe-ის კლასიკური დიზაინის განსხვავებული ინტერპრეტაცია წარადგინეს. რეპერი ამ სტილის სათვალით პირველად 2025 წლის Met Gala-ზე გამოჩნდა, სადაც მას იტალიაში სპეციალურად დამზადებული ხელნაკეთი სათვალე ეკეთა.
სათვალე 18 კარატიანი ოქროს ლოგოთი, ბრილიანტებითა და ძვირფასი ქვებით იყო გაფორმებული. A$AP Rocky იგივე სათვალით კანის კინოფესტივალზეც გამოჩნდა, სადაც მან ექსკლუზიური წვეულება გამართა.
„Ray-Ban-ის Wayfarer Puffe-ის მიზანია, თანამედროვე სტილის ახალ სიმბოლოდ მოიაზრებოდეს.”- ნათქვამია ბრენდის განცხადებაში.
ღონისძიებებიდან ერთი თვის შემდეგ რეპერმა და Ray-Ban-მა ოფიციალურად გამოუშვეს Wayfarer Puffer-ის კოლექცია, რომელიც წითელ, ვარდისფერ, თეთრ, ყვითელ, მწვანე და ლურჯ ფერებშია წარმოდგენილი.
,,გაგაცნობთ, კლასიკური Wayfarer სტილის ჩემს პირველ ვერსიას – ეს არის Puffer.“ – განაცხადა A$AP Rocky-მ.
მას შემდეგ, რაც A$AP Rocky თებერვალში Ray-Ban-ის ისტორიაში პირველი კრეატიული დირექტორი გახდა, აპრილში სადებიუტო კოლაბორაცია, სახელად Blacked Out-ის კოლექცია წარადგინა. Puffer-ის მსგავსი ესთეტიკით გამორჩეული ეს გამოშვებაც კლასიკურ ელემენტებს თანამედროვე და თამამი შტრიხებით აერთიანებს.
A$AP Rocky x Ray-Ban-ის Wayfarer Puffer ახალი კოლექცია კი უკვე ხელმისაწვდომია Ray-Ban.com-ზე.
