Lizzo-მ ცოტა ხნის წინ ღიად ისაუბრა იმაზე, თუ როგორ მოახერხა წონაში დაკლება. 19 ივნისს პოდკასტ Just Trish-ის წამყვან ტრიშა პეიტასთან ერთად ვარსკვლავმა გულახდილად ისაუბრა წონაში კლების სხვადასხვა გზებზე, მათ შორის, შესაბამის პრეპარატებზეც.
„ვფიქრობ, ძალიან, ძალიან ბევრი ვიმუშავე და მიზანმიმართულად მივდიოდი ჩემი გეგმისკენ, ამიტომ, როცა კომპლიმენტები მესმის, მათ მართლა გულით ვიღებ და ეჭვის თვალით აღარ ვუყურებ. ჩემი განზრახვაც სწორედ ეს იყო”. – თქვა მომღერალმა პოდკასტში ტრიშა პეიტასთან.
წამყვანის კითხავაზე, იყენებდა თუ პრეპარატ ოზემპიკს, Lizzo-მ დაადასტურა, რომ ეს მედიკამენტი მიღებული აქვს. „გამოცდილი მაქვს, ოზემპიკი მუშაობს, იმიტომ რომ ნაკლებს მიირთმევ და დანაყრების შეგრძნება გაქვს, თუმცა თუ ამას საკუთარი ძალებით შეძლებ და გონებით გადალახავ, ეფექტიც იგივეა”.
თუმცა, ლიზას თქმით, საბოლოოდ წონის კლებისთვის ყველაზე ეფექტური დიეტა აღმოჩნდა. „რაც ყველაზე მეტად დამეხმარა, იყო ის, რომ ვეგანობას თავი დავანებე, რადგან როცა ვეგანი ვიყავი, ძალიან ბევრ ხელოვნურ ხორცს, პურს და ბრინჯს მივირთმევდი, რომ დავნაყრებულიყავი. დღეში ალბათ 3000-დან 5000 კალორიას ვიღებდი.” – ამბობს არტისტი.
Lizzo, რომელიც გულახდილად საუბრობდა წონის კლების პროცესზე, ხშირად აზიარებდა სწორ ვარჯიშს და ჯანსაღი კვების ვიდეოებს განმარტებებით. მისი თქმით, ის დაახლოებით 10 წელია, ვეგეტარიანელია, 2020-ში კი ვეგანობა დაიწყო, თუმცა 2023-ში შეწყვიტა.
ჩემთვის ყველაზე დიდი ცვლილება ის აღმოჩნდა, რომ ბუნებრივი პროდუქტების მიღება დავიწყე, რის შედეგადაც მართლა ვიგრძენი დანაყრება. აღარ ვიღებდი ხელოვნურ საკვებს და ეს რეალურად მაძლევდა დანაყრების შეგრძნებას.”
Lizzo-მ ასევე აღნიშნა, რომ ხორცპროდუქტების მიღებაზე გადაწყვეტილება იაპონიაში მოგზაურობის შემდეგ მიიღო.
„მესმოდა, რომ იაპონური დიეტა მსოფლიოში ერთ-ერთი ყველაზე ჯანსაღია. როცა იქ ვიყავი, ვთქვი, რომ უნდა მომესინჯა იქაური სამზარეულო და საოცრად კარგად ვიგრძენი თავი.”
მიუხედავად იმისა, რომ Lizzo-ს ხორცპროდუქტების მიღება წონის კლებაში დაეხმარა, არტისტმა ხაზგასმით აღნიშნა, რომ ეს მიდგომა, შესაძლოა, ყველას არ გამოადგეს.
„არ მიყვარს ზედმეტად ბევრი საუბარი ამ თემაზე. არ მინდა, რომ სხვებმა ჩემი გზით იარონ და შემდეგ არ გამოუვიდეთ. ყველას სხეული განსხვავებული და ინდივიდუალურია. მე არ ვიცი თქვენი ანალიზები, თქვენი ნივთიერებათა ცვლა და ა.შ. ჩემთვის ხორცის მიღება აღმოჩნდა საჭირო, თუმცა მიდგომა ყველასთან ინდივიდუალურია.”
Lizzo-ს სრული ინტერვიუ შეგიძლიათ მოისმინოთ პოდკასტში Just Trish.
