კონცერტზე ნანისთან ერთად ნიკოლოზ რაჭველი, ნატალიკო ქუთათელაძე, ეკა მამალაძე და ალექსანდრე კორძაია – Kordz წარდგებიან.
სცენაზე კიდევ ერთხელ შესრულდება ნანი ბრეგვაძისა და Kordz-ის ერთობლივი ნამუშევარი „მთვარეო“, რომლის პრემიერაც რამდენიმე კვირის წინ Tbilisi Open Air-ზე შედგა.
თიბისი კონცეპტის ინიციატივით სულ ცოტა ხნის წინ ნანი ბრეგვაძის ვინილი და წიგნი გამოიცა, რომელიც დიდი არტისტის ცხოვრებისეულ და შემოქმედებით გზას ეძღვნება.
ამასთანავე, კონცეპტის მხარდაჭერით შედგა ნანი ბრეგვაძისა და Kordz-ის მუსიკალური ვიდეოკლიპის, „მთვარეოს“ პრემიერა.
თიბისი კონცეპტი ყოველთვის მხარს უჭერს პროექტებს, რომლებიც ხელს უწყობს ქართული კულტურული მემკვიდრეობის აღდგენასა და გაცოცხლებას და ახალი სახით მისი ფართო აუდიტორიისთვის მიწოდებას და პოპულარიზაციას ეწევა.
