თიკა ფაცაციამ ახალი კლიპი, სახელწოდებით „ბედნიერების მჯერა“ გამოუშვა. სიმღერის და ვიდეოს პრემიერა 7 ივლისს „კავეა სითი მოლში“ შედგა.
პროექტზე მომღერალი ბოლო ერთი წლის განმავლობაში მუშაობდა. მუსიკის ავტორია რუსა მორჩილაძე, ტექსტი კი ირინა სანიკიძემ და თიკა ფაცაციამ დაწერეს. მუსიკალური ნამუშევრის გაორკესტრებაზე ნიკოლოზ რაჭველმა ევგენი მიქელაძის სახელობის ეროვნულ სიმფონიურ ორკესტრთან ერთად იმუშავა. ვიდეორგოლის რეჟისორი მახო ყიფშიძეა, ხოლო კოსტიუმების დიზაინი სალომე ტყაბლაძეს ეკუთვნის. პროექტის კრეატიული ხელმძღვანელი არჩილ სოლოღაშვილია.
თიკა ფაცაციამ მუსიკალური კარიერა 14 წლის ასაკში ჯგუფ „სუპერ გოგონებში“ დაიწყო. 1997-1999 წლებში იყო პოპულარული ჯგუფის, „სეთი“-ს წევრი. 2007-2008 წლებში მონაწილეობდა ევროვიზიის ეროვნულ შესარჩევ ტურში. მომღერალს გამოშვებული აქვს ორი ალბომი.
