ბეისბოლის გულშემატკივრების მსგავსად, ამერიკელ როკმუსიკოს ჯეკ უაითსაც ჰქონდა ერთი უბრალო, თუმცა საკმაოდ დამღლელი სურვილი: ეყურებინა ბეისბოლის დიდი ლიგის მატჩისთვის თითოეული გუნდის სტადიონზე. ცნობისთვის, MLB-ის (Major League Baseball) პროფესიული ბეისბოლის ლიგაში 30 გუნდი მონაწილეობს, თითოეულ მათგანს კი საკუთარი სტადიონი აქვს. ჯეკ უაითმა ამ მიზანს მიაღწია. მან და მისმა მეგობარმა გამოაცხადეს, რომ „ხანგრძლივი მისია – ბეისბოლის თამაშის ყურება ყველა სტადიონზე, დასრულებულია.“
„Philadelphia Phillies – Detroit Tigers-ის წინააღმდეგ Citizens Bank Park-ზე, ფილადელფიაში (სადაც Tigers-მა მოიგო!).“ – დაწერა 2 აგვისტოს ინსტაგრამზე მუსიკოსმა.
ყველამ იცის, რომ ჯეკ უაითი ბეისბოლის დიდი გულშემატკივარია, მარტში მან პოსტი გამოაქვეყნა მაისურის შესახებ, რომელიც მას Pearl Jam-ის ვოკალისტმა ედი ვედერმა აჩუქა და ტოკიოში Cubs-Dodgers-ის თამაშზე ეცვა, მასთან ერთად თამაშს Cubs-ის ლეგენდა – ბილ მიურიც ესწრებოდა.
2022 წელს ჯეკ უაითმა Tigers-ისა და Chicago White Sox-ის თამაშზე აშშ-ის ჰიმნი შეასრულა. 2014 წელს იგი იყო საპატიო სტუმარი Tigers-ის თამაშზე, სადაც მატჩი სიმბოლურად ბურთის სროლით გახსნა, 2016 წელს კი მუსიკოსმა ბეისბოლის ბიტების კომპანია Warstic-ში Tigers-ის მოთამაშე იენ კინსლერთან ერთად ინვესტიცია ჩადო.
