აგვისტოს პირველი კვირა ახალი მუსიკალური პროექტებით სრულდება, ალბომები გამოსცეს MGK-იმ, Jonas Brothers-მა და სხვა არტისტებმა.
8 აგვისტოს კოლსონ ბეიკერმა, იგივე Machine Gun Kelly-მ ახალი ალბომი Lost Americana გამოუშვა, ეს კი მისთვის სხვა ჟანრში ძალების მოსინჯვაა. არტისტმა კარიერა ჰიპ-ჰოპ ჟანრში დაიწყო, ბოლო წლებში ძირითადად პოპ-პანკზე იყო ორიენტირებული, ახლახან კი ფოლკ ელემენტებით გაჯერებული 13 სიმღერიანი ალბომი შესთავაზა მსმენელს, რომლის დაანონსებაშიც რამდენიმე თვის წინ თავად ბობ დილანმა მიიღო მონაწილეობა.
ამავე დღეს Jonas Brothers-მაც გამოუშვა ახალი ალბომი, სახელწოდებით Greetings From Your Hometown. ალბომის მთავარი თემა იმ ადგილებს და სივრცეებს ეხმიანება, რომლებმაც თითოეული ადამიანის პიროვნული მეს ფორმირებაზე მოახდინეს გავლენა. 2019 წელს ბენდის კვლავ გაერთიანების შემდეგ ეს მათი მესამე სრულმეტრაჟიანი პროექტია.
ეს მხოლოდ ორი ალბომია იმ მრავალი LP-იდან, რომლებიც მიმდინარე კვირაში არტისტებმა გამოსცეს. ამ სიაში შედიან: Gunna, ბეილი ციმერმანი, ეთელ კეინი, ბრაისონ ტილერი და Amaarae, თითოეული არტისტისთვის ახალი ალბომი შემდეგი მუსიკალური ეპოქის დასაწყისია. გარდა ამისა, Laufey – მორიგი ალბომის გამოცემას ორ კვირაში გეგმავს, საიდანაც გულშემატკივრებს წინსწრებით გაუზიარა სინგლი, სახელწოდებით Snow White.
