შაბათის ღამის შოუს საიუბილეო, სპეციალურმა გამოშვებამ, SNL50-მა 2025 წლის Primetime Emmy-ს დაჯილდოებაზე გამორჩეული მრავალფეროვანი სპეციალური შოუს პრემია მიიღო, სადაც კონკურენცია საკმაოდ ძლიერი იყო. ნომინაციაში ასევე წარდგენილნი იყვნენ: The Apple Music Super Bowl LIX Halftime Show – კენდრიკ ლამარის მონაწილეობით, Beyoncé Bowl, SNL50: The Homecoming Concert და ოსკარების ცერემონია.
დაჯილდოება 14 სექტემბერს ლოს-ანჯელესში, Ovation Theater-ში გაიმართა, ცერემონიას კი კომიკოსი ნეიტ ბარგაცი უძღვებოდა.
ჯილდო შოუს ხანგრძლივმა აღმასრულებელმა პროდიუსერმა ლორნ მაიკლსმა მიიღო და სამადლობელი სიტყვები წარმოთქვა:
„ეს ჯილდო პირველად 50 წლის წინ, 1975 წელს მოვიგე. მაშინ უფრო ახალგაზრდა ვიყავი, ბევრი ოცნება მქონდა, თუმცა მათ შორის არც ერთი არ იყო ის, რომ მომდევნო 50 წლის განმავლობაში იგივე შოუს გავაკეთებდი, მაგრამ ახლა აქ ვართ. მინდა მადლობა გადავუხადო NBC-ს და Comcast-ს მხარდაჭერისთვის. ამ შოუს შექმნას ორი წელი დასჭირდა.“
ეს იყო SNL-ის მესამე საიუბილეო სპეციალური გამოშვება, რომელმაც საუკეთესო პროგრამის Emmy-ს ჯილდო მოიპოვა. შაბათის ღამის შოუს 25-ე საიუბილეო სპეციალურმა გამოშვებამ 2000 წელს გამორჩეული მრავალფეროვანი, მუსიკალური და კომედიური სპეციალური შოუს კატეგორიაში გაიმარჯვა. 2015 წელს 40 წლის იუბილეს სპეციალურმა გამოშვებამ კი გამორჩეული მრავალფეროვანი სპეციალური შოუს ჯილდო დაიმსახურა.
იშვიათია, რომ ჩვეულებრივ სატელევიზიო პროგრამაზე დაფუძნებულმა სპეციალურმა გამოშვებამ საუკეთესო პროგრამის Emmy-ს ჯილდო მოიპოვოს. აღსანიშნავია ჯეიმს კორდენის ვარსკვლავური შოუ, რომელიც პოპულარული სეგმენტის საფუძველზე შეიქმნა – The Late Late Show with James Corden, 2016-დან 2019 წლამდე, სამი წლის განმავლობაში Emmy-ს ჯილდოს გამორჩეული მრავალფეროვანი სპეციალური (წინასწარ ჩაწერილი) შოუს კატეგორიაში იღებდა. გარდა ამისა, 2002 წელს Carpool Karaoke-ს ხუთმა სპეციალურმა ეპიზოდმა, გამორჩეული მოკლემეტრაჟიანი პროგრამის ნომინაციაში მიიღო ჯილდო. სტუდიური აუდიტორიის წინაშე პირდაპირ ეთერში: ნორმან ლირის All in the Family-მ და The Jeffersons-მა გამორჩეული სპეციალური ცოცხალი შოუს კატეგორიაში მიიღეს ჯილდო. მსგავსი ფორმატის სპეციალურმა გამოცემამ სტუდიური აუდიტორიის წინაშე All in the Family-მ და Good Times-მა მომდევნო წელს იგივე კატეგორიაში მიიღეს ჯილდო.
NL50: The Anniversary Special-ის აღმასრულებელი პროდიუსერი ლორნ მაიკლსი იყო, ეს კი მისი 24-ე Primetime Emmy იყო. მიუხედავად იმისა, რომ ყველაზე პრესტიჟულ მრავალფეროვანი შოუს კატეგორიაში ბიონსე დამარცხდა, მან პირველი Primetime Emmy – Beyoncé Bowl-ისთვის, მრავალფეროვანი, დოკუმენტური ან რეალითი შოუს გამორჩეული კოსტიუმების კატეგორიაში მოიგო.
იგივე მოხდა კენდრიკ ლამარის შემთხვევაშიც: მან ჯილდო, გამორჩეულ მუსიკალურ მიმართულებაში, Creative Arts Emmys-თვის დაიმსახურა.
SNL50-ის საიუბილეო სპეციალურ გამოცემაში რამდენიმე მუსიკალური ნომერი იყო წარმოდგენილი. შოუ პოლ საიმონმა და საბრინა კარპენტერმა Simon & Garfunkel-ის სიმღერა Homeward Bound-ით გახსნეს. მაილი საირუსმა და ბრიტან ჰოვარდმა ერთად შეასრულეს Prince-ის სიმღერა Nothing Compares 2 U (რომელიც უმეტესად შინეიდ ო’კონორის ვერსიით არის ცნობილი). ადამ სენდლერმა შეასრულა სიმღერა 50 Years, ლილ უეინი და The Roots ჰიპ-ჰოპის ბეთლით წარდგნენ, ხოლო შოუს დასკვნით ნაწილშ პოლ მაკარტნიმ The Beatles-ის 1969 წლის შედევრი Abbey Road იმღერა.
მიუხედავად იმისა, რომ SNL-ის საიუბილეო სპეციალურმა გამოშვებამ რვა ჯილდო მიიღო, გამორჩეული და მრავალფეროვანი სცენარის კატეგორიაში ზედიზედ მესამე წელია Last Week Tonight With John Oliver-თან აგებს. ჯონ ოლივერის პროგრამა საუკეთესო სერიალის ჯილდოს ზედიზედ მეათე წელია, იღებს.
