შოთა ადამაშვილმა ფესტივალზე საუკეთესო ორიგინალური სიმღერის და ტრადიციული ქანთრი არტისტის ჯილდო მიიღო.
ქართველი ქანთრის მომღერალი შოთა ადამაშვილი Texas Sounds International Country Music Awards ფესტივალზე წარდგა და გამარჯვება ორ კატეგორიაში მოიპოვა.
ფესტივალი Texas Sounds International Country Music Awards 2-დან 5 ოქტომბრის ჩათვლით გაიმართა, ქართველი მუსიკოსი ფესტივალზე აუდიტორიის წინაშე პირველივე დღეს წარდგა. 5 ოქტომბერს კი დაჯილდოების ცერემონიაზე შოთა ადამაშვილს საუკეთესო ორიგინალური სიმღერის და ტრადიციული ქანთრი არტისტის ჯილდო გადასცეს.
Texas Sounds International Country Music Awards (TSICMA) ყოველწლიური მუსიკალური ფესტივალია, რომელიც წელს ტეხასის შტატში, საკონცერტო დარბაზ Memorial City Hall-ში გაიმართა. ფესტივალში 14 ქვეყანა იღებდა მონაწილეობას, მათ შორის, ისტორიაში პირველად ქართველი მუსიკოსი შოთა ადამაშვილი წარდგა.
