MAMAFLEX ქართულ მუსიკალურ სივრცეში 2018 წელს გამოჩნდა და მალევე იქცა ალტერნატიული ჰიპ-ჰოპის ერთ-ერთ ყველაზე მოთხოვნად ფიგურად. მისი შემოქმედება ექსპერიმენტული ტრეფისა და კლასიკური ჰიპ-ჰოპის ესთეტიკას ეფუძნება. ანონიმური არტისტი ლაივ გამოსვლებზე და ვიდეოკლიპებში ნიღბით ჩნდება, რაც პროექტს დამატებით სიმბოლურ და ვიზუალურ განზომილებას სძენს.
ქართულ სცენაზე იშვიათია შემთხვევა, როდესაც არტისტის თითქმის ყველა ტრეკი ჰიტად იქცევა. MAMAFLEX-ის სიმღერები სტრიმინგ პლატფორმების გარდა ასევე აქტიურად ვრცელდება სოციალურ ქსელებშიც, განსაკუთრებით TikTok-ზე, სადაც მისი კომპოზიციები არაერთხელ იქცა ტრენდად.
7 მარტის ივენთი Mtkvarze ახალი პროექტის პრეზენტაციას, MAMAFLEX-ის ენერგიულ პერფორმანსს და მრავალჟანრულ DJ სეტებს აერთიანებს. როგორც ლაივამდე, ისე ლაივის შემდეგ, კლუბის ორივე სცენა დაეთმობა ლოკალური ელექტრონული და ჰიპ-ჰოპ სცენის წარმომადგენლებს: M05, Neon Warrior, Ottonian, GWÄN და Kath J.
დეტალური ინფორმაციისთვის და ბილეთების შესაძენად ეწვიეთ ბმულს.
