TBILISI OPEN AIR 2026 მე-15 საიუბილეო სეზონით ბრუნდება

ფესტივალის მთავარი ჰედლაინერი ცნობილი ბრიტანული ბენდი Slowdive-ია, რომელიც საქართველოს პირველად ეწვევა.
Tbilisi Open Air 2026
Tbilisi Open Air 2026

Tbilisi Open Air მსმენელს წელს მეთხუთმეტე სეზონით უბრუნდება. ფესტივალი 4-5 ივლისს ტრადიციულად Lisi Wonderland-ში გაიმართება. „მუსიკა ათავისუფლებს“ – ამ უცვლელი გზავნილით, Tbilisi Open Air მუსიკის მოყვარულებს კვლავ გააერთიანებს. 

ფესტივალის მთავარი მხარდამჭერი თიბისია. როგორც Altervision-ის გუნდი აღნიშნავს, მრავალი გამოწვევის მიუხედავად, საიუბილეო თარიღი განსაკუთრებული მასშტაბითა და სიახლეებით აღინიშნება. წლევანდელი ფესტივალი ერთგვარი შეჯამებაა იმ გზის, რომელიც TOA-მ 2009 წლიდან დღემდე გაიარა. 

მთავარი სცენის წლევანდელი ლაინაფი ჟანრობრივი მრავალფეროვნებით გამოირჩევა. ფესტივალის მთავარი ჰედლაინერი ბრიტანული შუგეიზის (Shoegaze) აღიარებული ბენდი Slowdive-ია, რომელიც საქართველოს პირველად ეწვევა. მათთან ერთად მსმენელის წინაშე წარდგებიან ბელგიური ტრიპ-ჰოპის ვარსკვლავები Hooverphonic, პოსტ-პანკ ბენდი Molchat Doma და მელანქოლიური ელექტრო-პოპის შემსრულებელი ჯეი-ჯეი იოჰანსონი. განსაკუთრებულ ყურადღებას იმსახურებს ექსკლუზიური ქართული პროექტი: Kordz & Security-ს პერფორმანსი გორის ქალთა გუნდთან და Mechanical Rainbow-სთან ერთად. ეს იქნება ექსკლუზიური პერფორმანსი, რომელიც მსმენელებისთვის ერთგვარ მუსიკალურ აღმოჩენად იქცევა. 

წლევანდელი პროგრამა რამდენიმე მნიშვნელოვან იუბილესა და დებიუტს აერთიანებს. ფესტივალის საკულტო  სცენა Zion Garden 10 წლის იუბილეს აღნიშნავს და ამ თარიღის აღსანიშნად მსოფლიოში ცნობილ პროდიუსერს, Ace Ventura-ს დაეთმობა. ამავდროულად, TOA-ს მრავალფეროვან ოჯახს პირველად უერთდება MZESUMZIRA-ს სცენა, რომელიც თავისი ენერგიითა და ვიზუალური იდენტობით გამოირჩევა. აქ მსმენელს ისეთი არტისტები დახვდებიან, როგორებიც არიან Matias Aguayo და Fantastic Man b2b Tornado Wallace.

მუსიკალური პროგრამის მიღმა, Tbilisi Open Air 2026 სტუმრებს მულტიფუნქციურ გამოცდილებას სთავაზობს. მსოფლიო ჩემპიონატის პარალელურად, ფესტივალზე მოეწყობა სპეციალური ზონა, სადაც გულშემატკივრები მერვედფინალურ მატჩებს დიდ ეკრანზე მიადევნებენ თვალს. გარდა ამისა, წელს ფესტივალს ემატება Supernatural Wine Festival-ის სივრცე, სადაც საუკეთესო ნატურალური ღვინოების აღმოჩენა და დაგემოვნება იქნება შესაძლებელი.

Tbilisi Open Air 2026-ის პროგრამას დეტალურად გაეცანით ბმულზე.

ბილეთების შესაძენად ეწვიეთ tkt.ge-ს.

Share
Tweet
Share
Share
Share

Leave a Reply

წინა სტატია

A$AP ROCKY-ს თქმით, დედობის შემდეგ რიანა ძალიან შეიცვალა,  თუმცა მას ყოველთვის ჯადოსნური მომხიბვლელობა ჰქონდა

შემდეგი სტატია

Bedford Falls-მა ახალი კლიპი წარადგინა

შეიძლება დაგაინტერესოთ

სტუდია „ფანტასმაგორია“ ანიმაციური ფილმი - „ელენე დარიანი“

„ფანტასმაგორიას“ ანიმაციური ფილმი „ელენე დარიანი“ Arte Laguna Prize-ის მთავარი გამარჯვებულია

ფილმში მე-20 საუკუნის ეპოქის დამახასიათებელი ქართული მუსიკალური ნაწარმოებებია გამოყენებული, რომელიც ანიმაციის ემოციურ და პოეტურ ატმოსფეროს განსაზღვრავს.
მეტი
Dua Lipa - 2025 წლის 5 ოქტომბერი ლოს-ანჯელესი Christopher Polk/Billboard

დუა ლიპა, Tame Impala და SZA  Coachella 2027-ის მთავარი გამომსვლელები იქნებიან

Coachella 2027-ის ფესტივალზე მონაწილეობა უკვე დაადასტურეს არტისტებმა: Daddy Yankee, Madonna, ფიბი ბრიჯერსი, დონ ტოლივერი, ზარა ლარსონი, Weezer, Dom Dolla და სხვა მრავალმა არტისტმა.
მეტი
ბათუმი შავი ზღვის მუსიკისა და ხელოვნების XIV საერთაშორისო ფესტივალი

ბათუმი შავი ზღვის მუსიკისა და ხელოვნების XIV საერთაშორისო ფესტივალს უმასპინძლებს

21-25 ნოემბერს ბათუმში კლასიკური მუსიკის კონცერტები, შემოქმედებითი შეხვედრები და საგანმანათლებლო ღონისძიებები გაიმართება.
მეტი
Naré - BOO! - საბავშვო ევროვიზია 2026 -ის გამარჯვებული

საბავშვო ევროვიზიის გამარჯვებული სომხეთი გახდა

სომხეთის წარმომადგენელმა Naré-მ საბავშვო ევროვიზია 2026 სიმღერით - BOO! მოიგო, საქართველოს წარმომადგენელი დავით ლომიძე კი მეხუთე ადგილზე გავიდა.
მეტი

Tbilisi Hip Hop Fest-ის გზავნილი: „ჰიპ-ჰოპს წესდება არ აქვს, კოდექსი აქვს“

ფესტივალი აუდიტორიას საკუთარ გაიდლაინს სთავაზობს, რომელიც მუსიკასთან ერთად პატივისცემას, ავთენტურობას, თანასწორობასა და ერთობას მოიცავს.
მეტი