ჯასტინ ტიმბერლეიკმა ინსტაგრამის გვერდზე მის მეგობარსა და თანამშრომელს ფარელ უილიამსს 50-ე დაბადების დღე მიულოცა.
მომღერალმა მათი საერთო ფოტოებისა და ვიდეოების სერია გამოაქვეყნა, მათ შორის არის ვიდეო, რომელიც ტიმბერლეიკის 2003 წლის ჰიტზე Rock Your Body-ზე მუშაობის დროს არის გადაღებული.
„დაბადების დღეს გილოცავ, ჩემო ძმაო. ამ 50 წლის ნახევარი შენ გვერდით ვარ და უნდა ვთქვა, რომ შენ ჯერ ახლა იწყებ” – დაწერა ტიმბერლეიკმა.
მუსიკოსების ფანები კომენტარებში აღნიშნავენ რომ ისინი ერთად ლეგენდარულ კომბინაციას ქმნიან.
ფარელ უილიამსმა ჯასტინ ტიმბერლეიკთან ერთად მის 2002 წლის სოლო ალბომზე Justified-ზე იმუშავა. მომდევნო თანამშრომლობა კი მხოლოდ 15 წლის შემდეგ შედგა ტიმბერლეიკის ალბომისთვის Man of the Woods. 15-წლიანი წყვეტა, როგორც ტიმბერლეიკმა შემდგომ ახსნა, ლეიბლების პოლიტიკით იყო გამოწვეული.
Man of the Woods-ის გამოშვების შემდეგ ფარელი და ტიმბერლეიკი უკვე ერთად გამოჩნდნენ კელვინ ჰარისის 2022 წლის სიმღერაში Stay With Me.
ნახეთ ტიმბერლეიკის მისალოცი პოსტი
