ფესტივალი „საჩუქარი” ქართველ ხელოვანებს უნიკალურ შესაძლებლობას სთავაზობს. ვენეციის ბიენალესთან თანამშრომლობით ახალგაზრდა არტისტებს საშუალება ეძლევათ, მონაწილეობა მიიღონ ორწლიან პროგრამაში „ბიენალე კოლეჯე”. პროექტის ფარგლებში 40 წლამდე ასაკის კონკურსანტებს შეუძლიათ წარმოადგინონ საკუთარი პროდუქციის 10-წუთიანი პრეზენტაცია, იქნება ეს თეატრალური დადგმა, ქორეოგრაფია, მულტიმედიური პროექტი თუ სხვა. წარმოდგენილ ნამუშევრებს ფესტივალის საერთაშორისო დირექტორატი განიხილავს და მათგან გამარჯვებულს გამოავლენს, რომელსაც პროექტის განსახორციელებლად 10 000 ლარის დაფინანსება გადაეცემა. უკვე განხორციელებული პროექტი კი ფესტივალის 2025 წლის პროგრამაში იქნება წარმოდგენილი გამორჩეული ადგილობრივი და საერთაშორისო დადგმების გვერდით.
პროექტის პრეზენტაცია 7 ნოემბერს მიხეილ თუმანიშვილის კინომსახიობთა თეატრში შედგება. პრეზენტაცია-სემინარს გაუძღვებიან „საჩუქარის” საერთაშორისო დირექტორატის წევრები: თავად ვენეციის ბიენალეს დირექტორი ჯანი ფორტე და მილანის ახალი დრამატურგიის საერთაშორისო ფესტივალის, ფლორენციის INTECITY-ს სამხატვრო ხელმძღვანელი მიქელე პანელა.
პროექტი საქართველოში იტალიის საელჩოს მხარდაჭერითა და მიხეილ თუმანიშვილის კინომსახიობთა თეატრის პარტნიორობით ხორციელდება. სწორედ კინომსახიობთა თეატრში შედგება 2025 წელს კონკურსში გამარჯვებული დადგმის პრემიერა.
საკონკურსო პროექტების შეტანის ბოლო ვადაა 20 ოქტომბერი. დამატებიცი ინფორმაცია იხილეთ ბმულზე.
ნახეთ ჯანი ფორტესა და მიქელე პანელას მიერ გავრცელებული მიმართვები პროექტის შესახებ:
