14 მარტს ევროვიზიაზე საქართველოს წარმომადგენლის, მარიამ შენგელიას სიმღერისა და ვიდეორგოლის პრემიერა შედგა.
2025 წლის რიგით 69-ე კონკურსს საქართველოდან მარიამ შენგელია წარადგენს სიმღერით Freedom მუსიკალურ ვიდეოკლიპში და სიმღერაში აქცენტი თავისუფლებაზე და ქვეყნის წარმოჩენაზეა გაკეთებული. კლიპში ტრადიციული ქართული ცეკვაა ასახული, რომელიც ქართული კულუტურის მნიშვნელობას უსვამს ხაზს, მასში კი ანსამბლი „ერისიონის” მოცეკვავეები იღებენ მონაწილეობას.
სიმღერა Freedom ქეთი გაბისიანმა დაწერა, ხოლო ტექსტი ბუკა კარტოზიას ეკუთვნის. მუსიკალური კლიპი კახა ბუხრაშვილმა გადაიღო, კოსტუმის დიზაინზე იზა ნადარეიშვილმა, კლიპის მხატვრობაზე კი შაკო პოპიაშვილმა და ნინო წულაიამ იმუშავეს.
მარიამ შენგელიას ფართო აუდიტორია იცნობს მუსიკალური კონკურსებიდან „X ფაქტორი” „ვოისი” და „საქართველოს ვარსკვლავი”. ამასთან, იგი აქტიურად მონაწილეობდა სხვადასხვა სახის სატელევიზიო მუსიკალურ გადაცემებში. მღერის ბენდში „მიქსატურა” და აქტიურად ატარებს კონცერტებს სხვადასხვა რეგიონში. წელს მარიამ შენგელია საქართველოს სახელით ევროვიზიის სიმღერის კონკურსზე შვეიცარიაში, ქალაქ ბაზელში წარდგება, კონკურსი კი 13, 15 და 17 მაისს გაიმართება
ნახეთ მარიამ შენგელიას ევროვიზიის სიმღერა და ვიდეორგოლი:
