როცა Bad Bunny 2020 წელს Super Bowl-ის მუსიკალური შოუს სცენაზე გამოვიდა, ის მთავარი შემსრულებლების – ჯენიფერ ლოპესისა და შაკირას მოწვეული სტუმარი იყო. Super Bowl-ის შემდეგი წლისთვის კი სცენა უკვე სრულად მას ეკუთვნის.
კვირის ბოლოს Bad Bunny 2026 წლის Super Bowl-ის მუსკალური შოუს მთავარ შემსრულებლად ოფიციალურად დასახელდა. Billboard Pop Shop Podcast-ში წამყვანებმა – ქეითმა და კითმა Bad Bunny-ს, როგორც გლობალური სუპერვარსკვლავის სტატუსზე ისაუბრეს. ის ამჟამად ერთ-ერთი ყველაზე პოპულარული მუსიკოსია მსოფლიოში. Billboard Pop Shop Podcast-ში განიხილეს მიზეზები, თუ რატომ არის იგი იდეალური უდიდესი სატელევიზიო მოვლენის სცენისათვის. წამყვანები ასევე შეეხნენ ჭორებს, თითქოს შოუს მთავარი შემსრულებელი ტეილორ სვიფტი უნდა ყოფილიყო.
მოუსმინეთ პოდკასტს:
პოდკასტში ასევე მოისმენთ სიახლეებს ჩარტების შესახებ – როგორ იწყებს Cardi B-ის ალბომი, სახელწოდებით Am I the Drama პიზიციონორებას Billboard 200-ის ალბომების ჩარტში; როგორ მოიპოვა Nine Inch Nails-მა ბოლო ათწლეულში ბენდის ყველაზე მაღალი სარეიტინგო ადგილი ჩარტში და სხვა აქტუალურ მუსიკალურ სიახლეებს.
Billboard Pop Shop Podcast არის ერთიანი სივრცე ყველა იმ სიახლისთვის, რაც Billboard-ის ყოველკვირეულ ჩარტებში აისახება. აქ მსმენელი ხვდება საინტერესო დისკუსიებს პოპ-მუსიკის ყველაზე აქტუალური ამბების, ჩარტების სტატისტიკის, ახალი მუსიკისა და ვარსკვლავების ინტერვიუების შესახებ. პოდკასტის წამყვანები არიან Billboard-ის აღმასრულებელი ციფრული დირექტორი ქეითი ეტკინსონი და Billboard-ის ჩარტებისა და მონაცემთა ოპერაციების მმართველი დირექტორი კითი კოულფილდი.
პოდკასტს შეგიძლიათ მოუსმინოთ Billboard.com-ზე, Apple Podcasts-ში, Spotify-ზე, ან თქვენს საყვარელ პოდკასტ პლატფორმაზე.
