ისლანდიელი მომღერალი ბიორკი სამშობლოში დაბრუნდა. როგორც თავად ამბობს, ამის მიზეზი ამერიკაში იარაღით გახშირებული ძალადობაა. ბიორკმა ისაუბრა, თუ როგორ დარდობდა მისი ქალიშვილის, ისადორას უსაფრთხოებაზე და გაიხსენა 2012 წელს Sandy Hook-ის დაწყებით სკოლაში მომხდარი ტრაგედია.
„იარაღით ძალადობა შტატებში უკვე ისეთ დონეზეა, ვერც კი წარმოვიდგენ. მით უმეტეს, როცა ნახევრად ამერიკელი ქალიშვილი გყავს იმ სკოლაში, რომელსაც 40 წუთი აშორებს Sandy Hook-მდე.”
ბიორკი ნიუ-იორკში 2002 წელს, ქალიშვილის დაბადების შემდეგ დასახლდა. პანდემიის დაწყებისას კი ისლანდიაში დაბრუნდა.
„როცა აქ ვართ, მთელ ისლანდიას შევიგრძნობ. ერთი ადამიანიც რომ მოკლან ჩრდილოეთში, აქ ჩვენ ყველას გვტკივა. ასეთია აქაური მენტალიტეტი. ამდენი ძალადობა შტატებში კი, ჩემთვის, როგორც ერთი რიგითი კუნძულელისთვის, მეტისმეტი იყო.”
„რიგითი კუნძულელი” მომღერალი მხოლოდ ერთ-ერთია იმ ევროპელ ხელოვანთაგან, რომლებმაც ამერიკაში იარაღით ძალადობის ფაქტები დაგმეს. ოზი ოზბორნმა გაამხილა, რომ 2023 წლის თებერვალში იგი სამუდამოდ ბრუნდება ინგლისში. ბრიტანელმა მუსიკოსმა ჰარი სტაილსმა კი, ტეხასის სკოლაზე თავდასხმის შემდეგ, იარაღით ძალადობასთან მებრძოლ ორგანიზაციას „Everytown” მილიონი დოლარი შესწირა.
