ამერიკელმა პოპ შემსრულებელმა, ლიზომ ლეიბლ Atlantic Records-თან თანამშრომლობით ახალი კომპოზიცია About Damn Time და მასზე გადაღებული ვიდეორგოლი გამოაქვეყნა. სიმღერა მის მომავალ ალბომში Special იქნება წარმოდგენილი, რომელიც გაყიდვაში 15 ივლისს ჩაეშვება. არტისტმა სტუდიური ნამუშევარი რამდენიმე საათის წინ ინსტაგრამზე დააანონსა.
ბოლო ალბომი Cuz I Love You არტისტმა 2019 წელს გამოშვა. ნამუშევარი Billboard 200-ში მეოთხე ადგილზე გავიდა და ჩარტში ჯამში 127 კვირა გაატარა.
აღსანიშნავია, რომ ლიზომ ახლახან ბრენდი Yitty შექმნა, რომელიც სხეულის სილუეტის გამომკვეთ ქალის თეთრეულს აწარმოებს. “აბსოლუტურად ყველა ზომის სხეულისთვის”, – წერდა მომღერალი ინსტაგრამზე.
3 გრემის მფლობელმა ლიზომ მუსიკალური მოღვაწეობა 2010 წელს დაიწყო. დღეისთვის მის დისკოგრაფიაში 3 ალბომი, ორი EP და კოლაბორაციული ჩანაწერი ერთიანდება. შემსრულებლის ბოლო სტუდიური ნამუშევარი Cuz I Love You ჩარტ Billboard 200-ის ტოპ ხუთეულში მოხვდა. არტისტი ინდი ჰიპ ჰოპ ჯგუფების: The Chalice, Grrrl Prty, The Clerb, Ellypseas და Absynthe ერთ-ერთი დამაარსებელია.
