BTS ახალ ალბომს აანონსებს

ფოტო: Big Hit Music

ცნობილმა სამხრეთკორეულმა ბოიბენდმა BTS ლას ვეგასში კონცერტების სერია Permission to Dance On Stage – Las Vegas გამართა და ბოლო შოუს დასასრულს, შავ-თეთრი თიზერის საშუალებით, ახალი ალბომიც დააანონსა. ვიდეოში ჯგუფის წევრები: ჯინი, შუგა, ჯეი-ჰოუპი, არემი, ჯიმინი, ვი და ჯონგუქი ჩნდებიან, შემდეგ კი სიტყვები We Are Bulletproof იწერება.

მუსიკოსები, რომლებმაც გრემიზე BTS-ის წევრებთან ფოტოები გადაიღეს

“გამარჯობა. ეს Big Hit Music-ია. “ბითიესი” ახალი ალბომით 2022 წლის 10 ივნისს დაბრუნდება. სტუდიური ჩანაწერის შესახებ დეტალებს ახლო მომავალში გავავრცელებთ. ველით თქვენგან სიყვარულსა და მხარდაჭერას. მადლობა”, – ეწერა კოლექტივის ლეიბლის პოსტში, რომელიც პლატფორმა Weverse-ზე მოგვიანებით გამოქვეყნდა.

ეს პირველი ალბომი იქნება 2020 წლის სტუდიური ჩანაწერის Be შემდეგ, რომელიც Billboard 200-ის ჩარტის სათავეში მოხვდა. მასში შემავალი ორი ჰიტი: Dynamite და Life Goes On კი ცხელი ასეულის სათავეში მოექცა. 

BTS სეულში 2013 წელს ჩამოყალიბდა. მუსიკოსებს განსაკუთრებული პოპულარობა სიმღერებმა Dope, Fire, DNA და I Need U მოუტანა. 2019 წელს “ბითიესი” ბილბორდის დაჯილდოებაზე საუკეთესო ჯგუფად აღიარეს. ამასთან, ის გრემის ისტორიაში პირველი სამხრეთკორეული პროექტი გახდა, რომელიც ღონისძიებაზე პერფორმანსით წარდგა. კოლექტივს დღემდე 9 სტუდიური ალბომი აქვს გამოცემული. აღსანიშნავია, რომ ბენდი მათ იაპონურ ენაზეც უშვებს. ბიჭებს ისეთ ვარსკვლავებთან უთანამშრომლიათ, როგორებიც არიან: Halsey, Megan Thee Stallion, Coldplay და სხვა.

Share
Tweet
Share
Share
Share

წინა სტატია

ნახეთ: G-Eazy-მ გარდაცვლილ დედას სიმღერა Angel მიუძღვნა

შემდეგი სტატია

ნახეთ: Megan Thee Stallion “კოაჩელაზე” ახალ კომპოზიციას ასრულებს

შეიძლება დაგაინტერესოთ

SZA

SZA-ს ახალი სინგლი Saturn

სიმღერის დებიუტი Mastercard-ის რეკლამაში შედგა, რომელიც 2024 წლის გრემის დაჯილდოებაზე გავიდა. მუსიკოსმა დაჯილდოებაზე სამი ჯილდო მიიღო.
მეტი