მანჩესტერში, AO Arena-ზე გამართულ კონცერტზე ამერიკელმა პოპვარსკვლავმა, ბილი აილიშმა ახალი მელანქოლიური ბალადა TV შეასრულა.
• ნახეთ: ბილი აილიში შოუში Ellen პირველ გამოჩენას იხსენებს
New #BillieEilish sounds beautiful 🥹 pic.twitter.com/7gpbHIuGpv
— Erica Campbell (@ericacxmpbell) June 7, 2022
BILLIES NEW SONG TV
Posted by Elisha Taylor on Tuesday, June 7, 2022
ბილი აილიშ ო’კონელი ფართო საზოგადოებამ 2015 წელს სინგლით Ocean Eyes გაიცნო. მუსიკოსისთვის წარმატების მომტანი აღმოჩნდა სადებიუტო ალბომი When We All Fall Asleep, Where Do We Go?, რომელიც ამერიკული და ბრიტანული ჩარტების სათავეში მოექცა. მასში შემავალი სინგლი Bad Guy ბილბორდის ცხელი ასეულის სათავეში მოხვდა და ექვსმაგი პლატინის სტატუსი დაიმსახურა. შვიდი გრემის მფლობელი შემსრულებელი 18 წლის ასაკში ყველაზე ახალგაზრდა არტისტი გახდა, რომელმაც ამ დაჯილდოების ოთხი ძირითადი კატეგორია მოიგო. ამასთან, მომღერალი 21-ე საუკუნეში დაბადებული პირველი ადამიანია, რომელმაც ოსკარი მიიღო საუკეთესო საუნდტრეკის კატეგორიაში ნამუშევრით No Time To Die, რომელიც ჯეიმს ბონდის შესახებ გადაღებული ფილმისთვის შექმნა. ბილის დღემდე ორი სტუდიური ალბომი აქვს გამოშვებული.
