ცნობილი ამერიკელი მომღერლის, ლედი გაგას ჰიტზე Poker Face გადაღებული ვიდეორგოლის ნახვებმა იუთუბზე მილიარდს გადააჭარბა. ეს მუსიკოსის უკვე მესამე ნამუშევარია, რომელმაც მსგავს წარმატებას მიაღწია. კლიპი პლატფორმაზე 2008 წლის დეკემბერში აიტვირთა.
• მოუსმინეთ: ლედი გაგა ფილმის Top Gun: Maverick საუნდტრეკს ავრცელებს
ვიზუალურ ნამუშევარში 22 წლის გაგა მდიდრული აუზიდან ამოდის, სადაც გერმანული დოგის ჯიშის ძაღლები ხვდება. ვიდეოს განმავლობაში ის რამდენიმე ფუტურისტულ სამოსსა და პარიკს იცვლის, ცეკვავს და მეგობრებთან ერთად პოკერს თამაშობს.
წარსულში მომღერლის ორმა კლიპმა გადააჭარბა მილიონ ნახვას. ესენია 2018 წლის Shallow და ჰიტი Bad Romance. რაც შეეხება სიმღერას Poker Face, ის 2009 წლის აპრილში ბილბორდის ცხელი ასეულის სათავეში მოხვდა და ჩარტში ჯამში 40 კვირა გაატარა. ის ყველა დროის ერთ-ერთი ყველაზე გაყიდვადი სინგლია. ტრეკმა შემსრულებელს საუკეთესო საცეკვაო ჩანაწერის კატეგორიაში გრემის ჯილდოც მოუტანა.
