მოუსმინეთ: ბიონსე ახალ სინგლს Break My Soul ავრცელებს

ფოტო: Mason Poole/A.M.P.A.S. via GI

პოპვარსკვლავი ბიონსე მომავალი ალბომიდან Renaissance პირველ სინგლს Break My Soul ავრცელებს, რომელიც ლეიბლმა Tidal პლატფორმა იუთუბზე ატვირთა. სტუდიური ჩანაწერი გაყიდვაში 29 ივლისს ჩაეშვება. “ჩემს სულს ვერ გატეხ”, – მღერის არტისტი კომპოზიციის მისამღერში.

“ესაა მუსიკა, რომელიც აღგაფრთოვანებს, გამოგზაურებს კულტურებსა და სუბკულტურებში, ჩვენი ხალხის წარსულსა და აწმყოში. მუსიკაა, რომელიც საცეკვაო მოედანზე ბევრს გააერთიანებს, მუსიკაა, რომელიც შენს სულს შეეხება”, – ასე აღწერა მომავალი ალბომი ბრიტანული “ვოგის” მთავარმა რედაქტორმა, ედუარდ ენიფულმა. აღსანიშნავია, რომ ბიონსე ჟურნალის ივლისის ნომრის სტუმარია.

ბოლო ალბომი Lemonade ბიონსემ 2016 წელს გამოუშვა. ეს რიგით მეექვსე ნამუშევარი გახლდათ, რომელმაც Billboard 200-ის ჩარტში პირველი პოზიცია დაიკავა. 2018 წელს მან ქმართან, რეპერ ჯეი ზისთან თანამშრომლობით ჩანაწერი Everything Is Love გაავრცელა, შემდეგ იმუშავა საუნდტრეკების ალბომზე The Lion King: The Gift და ლაივ პროექტზე Homecoming: The Live Album, სინგლზე Be Alive და ოსკაროსან ფილმზე King Richard.

ბიონსე ნოულს-კარტერი თანამედროვეობის ერთ-ერთი ყველაზე წარმატებული მუსიკოსია. 28 გრემის მფლობელ შემსრულებელს კარიერის განმავლობაში 120 მილიონი ჩანაწერი აქვს გაყიდული. არაერთი ჰიტის ავტორს განსაკუთრებული პოპულარობა კომპოზიციებმა Single Ladies, Crazy In Love, Irreplaceable და Formation მოუტანა. ის პირველი სოლო არტისტია, რომლის პირველი ექვსი სტუდიური ალბომი Billboard 200-ის სათავეში მოხვდა.

Share
Tweet
Share
Share
Share

წინა სტატია

პოლ მაკკარტნი ბოქს-სეტს McCartney I II III აანონსებს

შემდეგი სტატია

ნახეთ: ბედ ბანიმ სიმღერაზე Me Porto Bonito კლიპი გადაიღო

შეიძლება დაგაინტერესოთ

რამ აქცია 1995 წელი მადონას ვარსკვლავური კარიერის მომნუსხველი გარდაქმნის წლად

ამ კვირის „უდიდესი პოპვარსკვლავების” პოდკასტის Vintage Pop Stardom ეპიზოდი მადონას Bedtime Stories-ის ეპოქას ეძღვნება და განიხილავს, თუ რატომ არის ის რეზონანსული დღესაც, 30 წლის შემდეგ.
მეტი

2025 წელს მარიამ შენგელია ევროვიზიაზე საქართველოს წარადგენს

მომღერალი მარიამ შენგელია 2025 წელს რიგით 69-ე ევროვიზიის სიმღერის კონკურსზე საქართველოს წარადგენს. წლევანდელი ევროვიზია შვეიცარიაში, ქალაქ ბაზელში ჩატარდება.
მეტი
SZA - 2024 წლის 30 ივნისს გლასტონბერის ფესტივალზე ჯოზეფ ოკპაკო/WireImage

SZA-ს თქმით მისი მომავალი ალბომები ბავშვებისთვის იქნება განკუთვნილი

რეკორდ სტუდიოსთან დადებული ხელშეკრულების მიხედვით ეს SZA-ს ბოლო პროექტი იქნება, რომელიც სწორედ საბავშვო აუდიტორიაზე გათვლილ მოთხოვნებს ითვალისწინებდა.
მეტი

2024 წლის უდიდესი პოპვარსკვლავები: წლის დაბრუნება – ჰოზიერი

მას შემდეგ, რაც დეკადით ადრე სენსაციური ჰიტი გამოსცა, ირლანდიელი ავტორ-შემსრულებელი რეალურად არც არსად წასულა. პირიქით, ის განვითარებას განაგრძობდა და 2024 წელს მყარად დაბრუნდა მეინსტრიმის ცენტრში.
მეტი

21-ე საუკუნის უდიდესი პოპვარსკვლავები: ნომერი 3 – რიანა

მას შემდეგ, რაც თინეიჯერობის ასაკში ბარბადოსიდან აშშ-ში ჩავიდა, რიანამ სწრაფად შეძლო თავის დამკვიდრება, როგორც ერთ-ერთი ყველაზე მდგრადი ჰიტმეიკერი, მომხიბლაობის სიმბოლო და ნოვატორი ფიგურა თანამედროვე პოპისტორიაში.
მეტი