ვიდეოკლიპი ცნობილ სიმღერაზე “Every Breath You Take” ოფიციალურად შეუერთდა იუთუბის “მილიარდნახვიანთა კლუბს”.
სიმღერა 1983 წელს ჯგუფის პირველ სინგლად გამოიცა და მალევე გახდა ნომერ პირველი ჰიტი ბილბორდის Hot 100-ში, სადაც ის 8 კვირის განმავლობაში ლიდერობდა. კომპოზიციას აღებული აქვს გრემი წლის სიმღერისა და საუკეთესო ჯგუფური შესრულების ნომინაციებში.
ასევე ძალიან ცნობილი გახდა სიმღერის შავ-თეთრი ვიდეოკლიპი, სადაც წინა პლანზეა სტინგი კონტრაბასით. იუთუბის მონაცემების მიხედვით, წელს ვიდეო ყოველდღიურად 300,000 ნახვაზე მეტს აგროვებს.
სხვათა შორის, ამავე წლის დასაწყისში, მას შედეგ, რაც გამოაცხადა, რომ თავისი ჩანაწერების მყიდველს ეძებდა, სტინგმა მთელი თავისი სიმღერების კატალოგი (მათ შორის ჯგუფთან ერთად შექმნილი) Universal Music Publishing Group-ს მიჰყიდა.
სიმღერის ვიდეოკლიპი
