ვიქტორია ბექჰემი ენ ჰეთეუეისთან ერთად შოუს “Watch What Happens Live” სტუმრობდა. წამყვანმა ენდი კოენმა ვარსკვლავს ბლიც-კითხვები დაუსვა.
მისი პირველი კონცერტის, სახის მოვლის რუტინის ყველაზე მნიშვნელოვანი კომპონენტისა და საყვარელი რომანტიკული კომედიის დასახელების შემდეგ, ბექჰემს კოენმა საყვარელი კარაოკე სიმღერის შესახებ ჰკითხა.
თავიდან ვარსკვლავმა არჩევანი “Spice Girls-ის” სიმღერაზე “Spice Up Your Life” შეაჩერა, თუმცა შემდეგ გადაიფიქრა და ჯგუფის 1997 წლის ჰიტი “Stop” დაასახელა. მისი თქმით, პატარა ცეკვა, რომელიც ამ სიმღერას ახლავს, კარაოკეს დროს ძალიან სახალისოა.
ენ ჰეთეუეიმ ბექჰემს სთხოვა, ცეკვიდან რამდენიმე ცნობილი მოძრაობა შეესრულებინა, რაზეც ვიქტორიამ უარი განაცხადა.
მართალია ვიქტორია ბექჰემმა თავისი საყვარელი კარაოკე სიმღერა დაასახელა, თუმცა ბილბორდმა ყველა დროის საუკეთესო კარაოკე სიმღერებს შორის 43-ე ადგილი ჰიტს “Wannabe” მიანიჭა. როგორც ამბობენ, მნიშვნელობა არ აქვს ასაკს, მისი სიტყვები ყველამ იცის.
ნახეთ შოუს ეპიზოდი.
