მას შემდეგ, რაც ლიონელ რიჩიმ AMA-ს დაჯილდოებაზე “Icon Award” მიიღო, სცენა სტივი უანდერმა და ჩარლი პუთმა დაიკავეს. ორი როიალის თანხლებით მათ ერთმანეთში მუსიკალური დუელი გამართეს, პუთის სიტყვებით, „მუსიკალური ტენისის მატჩი ლიონელ რიჩის შემოქმედებით. პირველი „Პასი” უანდერს ეუთვნოდა სიმღერით “Three Times A Lady”, რომელსაც Commodores ასრულებდა. Ჩარლი პუთმა მას ასევე Commodores-ის რეპერტუარიდან უპასუხა სიმღერით “Easy”.
მუსიკოსებმა რამდენიმე სიმღერა გაცვალეს, საბოლოოდ კი რიჩის ერთ-ერთ ყველაზე დიდ ჰიტზე “We Are The World” შეჩერდნენ, რომელსაც მაიკლ ჯექსონი ასრულებდა. როგორც ორიგინალ ვერსიაში, სცენა აქაც ვარსკვლავებით გაივსო. Მათ თავად რიჩიც შეუერთდა.
სამადლობელ სიტყვაში ლიონელ რიჩიმ აუდიტორიას მიმართა: „როცა გესმის სიტყვა ტრენდული, ეს ნიშნავს დღევანდელ დღეს. Როცა გესმის სიტყვა შთამაგონებელი, ეს ნიშნავს სამუდამოს. თუ გეძლევა შანსი, რომ ეს სინათლე ატარო, მაშინ ხვდები, თუ რა შეუძლია ღმერთს.”
