High Snobiety-სთან ინტერვიუში ბილი აილიშმა საკუთარი სასიყვარულო ურთიერთობის შესახებ ისაუბრა. ცოტა ხნის წინ Vanity Fair-თან ინტერვიუში დაადასტურა, რომ ჯგუფ The Neighbourhood-ის წევრს, მომღერალ ჯესი რაზერფორდს ხვდება და რომ მას „ეს ძალიან აბედნიერებს“.
ინტერვიუში 20 წლის აილიში სასიყვარულო ცხოვრებაზე საუბრისას საკმაოდ ფრთხილი იყო და თავის 31 წლის პარტნიორის ხსენებას თავს არიდებდა. მომღერალი ზოგადად საუბრობდა სიყვარულის მნიშვნელობის შესახებ. „Შეყვარება ჩემთვის რთული რამ არის“ – აღნიშნა ბილი აილიშმა – „სიყვარული საშიში რამეა, ის მართლაც საშიშია“.
High Snobiety-ის სტატია ძირითადად ბილი აილიშის სტილის ევოლუციაზე კონცენტრირდება. კარიერის დასაწყისში აილიში უნისექს იმიჯით იყო ცნობილი, მუსიკოსმა ბოლო 7 წლის განმავლობაში ეტაპობრივად მაღალი მოდის სამყაროში შეაბიჯა. 2022 წელს, Met Gala-ზე Gucci-ის გადამუშავებული მასალისგან შექმნილი კოსტიუმითაც გამოჩნდა.
როგორც ბილი აილიშმა აღნიშნა, მოდის კვირეულებს წარმოდგენის სახე აქვს, რაც მას ძალიან აღიზიანებს. მომღერლის თქმით, მოდა მისთვის არა მხოლოდ მამოძრავებელი ძალაა, არამედ – ადამიანებთან დაკავშირების საშუალებაც.
„Ხალხი მე მხედავდა, როგორც 15 წლის ბავშვს, რომელსაც ეცვა, გამოიყურებოდა, მოქმედებდა და საუბრობდა თავისებურად. ვცდილობდი დამემტკიცებინა, რომ შემეძლო იმის გაკეთება, რაც მომესურვებოდა. ახლა შემიძლია გამოვიყურებოდე მართლაც მასკულინურად, თუ ასე მინდა, ან ვიყო ფემინური და ეს განხილვის თემა არ იქნება.“ ბილი აილიშის თქმით, ყველაზე სექსუალურად თავს მაშინ გრძნობს, როცა მასკულინურად იცვამს.
მომღერალმა ასევე აღნიშნა, რომ სუნამოს, სახელწოდებით Eilish No. 2 გამოშვებით, საზოგადოების ნდობა მოიპოვა და ახლა უკვე შეუძლია, არამუსიკალური წამოწყებებითაც გააფართოოს თავისი გავლენა. “ვფიქრობ, ადამიანებმა მეტად სერიოზულად ჩემი მასკულინური სტილის გამო მიმიღეს. ფემინური რომ ვყოფილიყავი, ადამიანები ნაკლები პატივისცემით განეწყობოდნენ ჩემ მიმართ”- ამბობს ბილი აილიში.
