მომღერალმა სემ სმითმა სოციალურ მედიაში ვიდეო გამოაქვეყნა და ახალი სიმღერა, სახელწოდებით I’m Not Here To Make Friends დააანონსა. სიმღერა არტისტის მომავალ ალბომში შევა. გამოქვეყნებულ ვიდეოში ჩანს პაშმინას ნარინჯისფერი ქსოვილით შემოსილი სემ სმითი, რომელიც მაღალსართულიანი შენობის აივანზე დგას. სიმღერის დაწყებასთან ერთად, მოძრაობას იწყებს კამერაც. მაყურებელი არტისტის სრულ ვიზუალურ იმიჯს ხედავს.
მუსიკალური თიზერის გამოქვეყნების პარალელურად, სემ სმითის სიმღერა, სახელწოდებით Unholy, რომელსაც არტისტი კიმ პეტრასთან ერთად ასრულებს, Billboard Hot 100-ის ჩარტის მესამე ადგილს იკავებს, ხოლო Billboard Global Excl. U.S-ის ჩარტში- პირველ ადგილს. ორივე კომპოზიცია – Unholy და I’m Not Here To Make Friends შევა სემ სმითის მეოთხე სტუდიურ ალბომში, სახელწოდებით Gloria, რომელიც 27 იანვარს გამოიცემა.
იხილეთ სემ სმითის მიერ გამოქვეყნებული მუსიკალური თიზერი:
