ბრიტანეთის სამეფო ზარაფხანამ Rolling Stones-ის 60 წლის იუბილე საკოლექციო მონეტით აღნიშნა. £5-იან მონეტაზე ჯგუფის წევრების სილუეტებია ამოტვიფრული. მონეტაზე ჩანს მიკ ჯაგერის, ქეით რიჩარდსის, რონი ვუდის და ასევე ჯგუფის ყოფილი დრამერის, ჩარლი ვოტსის გამოსახულება. ჯგუფის დასახელება Rolling Stones-ის 1973 წლის კლასიკური შრიფტით არის ამოტვიფრული. როგორც სამეფო ზარაფხანის წარმომადგენლებმა განაცხადეს, ეს ამ წელს გამოშვებული ერთ-ერთი ბოლო მონეტაა, რომელზეც ასევე დატანილია გარდაცვლილი დედოფლის, Elizabeth II-ის გამოსახულება.
2022 წელს The Rolling Stones მუსიკალურ სცენას ევროპული ტურნეთი დაუბრუნდა. ტურნე, სახელწოდებით Sixtytour, ბერლინში გამართული კონცერტით აგვისტოში დასრულდა. „მოხარული ვართ, რომ გაერთიანებულმა სამეფომ ჩვენს პატივსაცემად მონეტა გამოუშვა”. ნათქვამია Rolling Stones-ის ოფიციალურ განცხადებაში. „განსაკუთრებით მნიშვნელოვანია, რომ ეს ჩვენი 60 წლის იუბილეს ეძღვნება”.
