Ჰარი სტაილსმა კრისტინ მაკვის პატივსაცემად მომღერლის ყველაზე ლამაზი კომპოზიციის Songbird-ის ქავერ ვერსია შეასრულა.
Fleetwood Mac-ის წევრი კრისტინ მაკვი 79 წლის ასაკში გარდაიცვალა. ამ ინფორმაციის გავრცელებიდან მეორე დღეს სტაილსს ტურნეს ფარგლებში ჩილეში კონცერტი ჰქონდა. კონცერტის დროს გიტარისა და კლავიშის თანხლებით სტაილსმა მაკვის სიმღერა Songbird შეასრულა.
Სტაილსი, რომელიც მუდამ აღნიშნავდა, თუ რამხელა გავლენა იქონია მის მუსიკაზე Fleetwod Mac-მა, ერთ-ერთია იმ მრავალ არტისტს შორის, რომლებიც კრისტინ მაკვის გარდაცვალებას გამოეხმაურნენ. Მათ შორის არიან: შერილ კროუ, დურან დურანი და თავად ბენდის წევრები.
„რამდენიმე საათის წინ მითხრეს, რომ ჩემი მსოფლიოში საუკეთესო მეგობარი გარდაიცვალა” – დაწერა სტივი ნიკმა ტვიტერზე. „სხვა მხარეს შევხვდებით, ჩემო საყვარელო. არ დამივიწყო.”
სოციალურ ქსელში განცხადება ლინდსი ბაკინგემმაც გაავრცელა. „ის და მე მხოლოდ Fleetwood Mac-ის ჯადოსნური ოჯახის წევრები არ ვყოფილვართ. კრისტინი ჩემი თანამოაზრე და სულის მეგობარი იყო. გამიმართლა, რომ მას ვიცნობდი. მართალია, ძალიან მოგვენატრება, მაგრამ მისი სული მის შემოქმედებაში მუდამ იცოცხლებს.”
ნახეთ ჰარი სტაილსის შესრულებით კრისტინ მაკვის სიმღერა Songbird
Harry singing songbird tonight! @Harry_Styles @TheHarryNews @HLrainbowchile pic.twitter.com/qiXG3WyvCp
— Josie🧚🏼♀️ (@kuki_sanban3_) December 2, 2022
