Foo Fighters-ის თქმით ისინი ტეილორ ჰოკსინის გარდაცვალების შემდეგ, მოღვაწეობას კვლავ განაგრძობენ, თუმცა, მის გარეშე, ეს უკვე სხვა ჯგუფია.
დეივ გროლმა Foo Fighters-ს სოლისტმა, ოცდათერთმეტ დეკემბერს სოციალურ მედიაში გულწრფელი გზავნილი გამოაქვეყნა, რომელიც გასული წლის გამოწვევებს ხედვებს და ჯგუფის მომავალ გეგმებს ეხება.
„ჩვენ ვემშვიდობებით ყველაზე რთულ და ტრაგიკულ წელს. მადლიერები ვართ იმ ადამიანების, ვინც ჩვენს გვერდით არიან, გვიყვარს და პატივს ვცემთ და ასევე მადლიერები ვართ მათი, ვინც ჩვენთან აღარ არიან“.
„Foo Fighters ოცდაშვიდი წლის წინ მუსიკის ძალის და სიცოცხლის გასაძლიერებლად შეიქმნა. სწორედ ამ ოცდაშვიდი წლის განმავლობაში ჩვენმა გულშემატკივრებმა ერთი დიდი, ერთგული მსოფლიო წრე შეკრა, რომელიც ყველაზე რთული პერიოდის გადატანაში დაგვეხმარა. ეს არის ადგილი, სადაც ვაზიარებთ ჩვენს სიხარულს და ტკივილს, იმედებს და შიშს. ტეილორი ჰოკინსის გარეშე ჩვენ ვერასოდეს ვიქნებით ის ჯგუფი რაც ვიყავით, მაგრამ ვიცით, რომ წინ ყოველთვის წავალთ.“
2022 წლის მარტის ბოლოს Foo Fighters-ის დრამერი ტეილორი ჰოკინსი ბოგოტაში, სასტუმროს ნომერში გარდაცვლილი იპოვეს. იგი ორმოცდაათი წლის იყო. დრამერის გარდაცვალების შესახებ ჯგუფმა სოციალურ მედიაში განცხადება გამოაქვეყნა:
„The Foo Fighters-ის ოჯახი, ტეილორი ჰოკინსის ტრაგიკული და უდროო გარდაცვალების გამო განადგურებულია. მისი მუსიკალური სული და საოცარი ღიმილი ჩვენთან ერთად სამუდამოდ იცოცხლებს“.
წაიკითხეთ Foo Fighters-ის 2022 წლის ბოლო პოსტი Twitter-ზე:
— Foo Fighters (@foofighters) December 31, 2022
