ნახეთ შაკირას ემოციური სიტყვა ბილბორდის დაჯილდოებაზე „ლათინო ქალები მუსიკაში”

შაკირა 2023 წლის ქალად დასახელდა. მომღერალს ჯილდო ასევე კოლუმბიელმა ვარსკვლავმა Maluma-მ გადასცა.

მაიამიში გადასვლის შემდეგ პირველი საჯარო გამოსვლისას შაკირამ ემოციური სიტყვა წარმოთქვა. ბილბორდის „ლათინო ქალები მუსიკაში” პირველ დაჯილდოებაზე ვარსკვლავმა წლის ქალის წოდება დაიმსახურა.

Სიტყვით გამოსვლისას შაკირამ მადლობა გადაუხადა დედას, მეგობრებსა და ქალებს. მის გამოსვლას აუდიტორიის დიდი ოვაციები ახლდა თან. 

„სიმართლეა, რომ როცა თავს დაკარგულად ვგრძნობდი, მუსიკა მაბრუნებდა ჩემს თავთან. მაგრამ ყველაზე მნიშვნელოვანი გაკვეთილები რაც კი ამ წელს ვისწავლე,  ვისწავლე სხვა ქალებისგან და სწორედ მათთვის დავწერე ის, რაც დავწერე და მათთვის ვიმღერე ის, რაც ვიმღერე. რადგანაც მხოლოდ ქალს შეუძლია უყვარდეს იქამდე, სანამ ნამსხვრევებად არ იქცევა. შეუძლია, ილაპარაკოს ყველაზე მწარე სიმართლე. შეუძლია, იმღეროს გაბრაზებულმა, იცეკვოს და ემოციებისგან იტიროს. მხოლოდ ქალს შეუძლია ეს,” – განაცხადა ვარსკვლავმა 2000 მაყურებლის წინაშე.

„და კიდევ, არსებობს ერთი განსაკუთრებული ქალი, რომელიც ჩემი შთაგონების ყველაზე დიდი წყაროა: დედაჩემი. დედა, მიუხედავად იმ სირთულეებისა, რასაც ამ წელს შეეჯახე, შენ მაინც უსაზღვრო სიყვარულითა და შეუპოვრობით დგახარ. ჩემი წლის ქალი შენ ხარ. ასე რომ, ეს აღიარება შენთვისაა. ასევე ჩემი მეგობრებისთვის, რომლებიც გვერდში მედგნენ და მიჭერდნენ, როცა ფეხები აღარ მემორჩილებოდა. და ასევე ყველა მარტოხელა დედისთვის, რომლებიც ლომებივით იცავენ თავიანთ შვილებს.”

შაკირა ბილბორდის წლის ლათინო ქალად მისი ახალი მიღწევების გამო დასახელდა. 2022 წელს მან ესპანურენოვანი სიმღერა Monotonía გამოსცა და გინესის 14 რეკორდი მოხსნა სიმღერით Shakira: BZRP Music Sessions #53, რომელიც ბლბორდის „ცხელი ასეულის” მეცხრე ადგილს იკავებდა. ამით შაკირა პირველი ქალი გახდა, რომელიც ტოპ ათეულში ესპანური სიმღერით შევიდა.

Ნახეთ ნაწყვეტი შაკირას გამოსვლიდან

Share
Tweet
Share
Share
Share

წინა სტატია

სემ რაიდერი, დიდი ბრიტანეთის წარმომადგენელი „ევროვიზია 2022-ზე“

დიდი ბრიტანეთი „ევროვიზია 2023-ს”  მასპინძლობს

შემდეგი სტატია

ბექა გოჩიაშვილი მსმენელის წინაშე „ფალესტრას“ სცენაზე წარდგება

შეიძლება დაგაინტერესოთ

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი

უნიკალური ტენდენციები, რომლებიც იაპონიის მუსიკალური დაჯილდოებისა და ბილბორდ იაპონიის ჩარტის შედარებამ გამოკვეთა

ნახეთ მსგავსებები და განსხვავებები წლის სიმღერის კატეგორიაში განსახილველ 256 სიმღერასა და ბილბორდ იაპონიის Hot 100-ს შორის.
მეტი