პოლ საიმონმა გაამხილა, რომ ერთ ყურში სმენა თითქმის დაკარგა

81 წლის მომღერალმა აღნიშნა, რომ ზოგიერთი მისი სიმღერის შესრულებით დაიღალა.
პოლ საიმონი
Kevin Mazur/GI for The Recording Academy

პოლ საიმონის ასაკში ჯანმრთელობის პრობლემები სრულიად მოსალოდნელია. თუმცა 81 წლის მუსიკოსის შემთხვევაში ეს პირდაპირ პროფესიული ზიანის მომტანი პრობლემა აღმოჩნდა, რომელმაც შესაძლოა მისი შემდგომი საქმიანობა შეაფერხოს. ბოლო ინტერვიუში საიმონმა გაამხილა, რომ ბოლო ალბომის ჩაწერის დროს მარცხენა ყურში სმენა დაკარგა.

„ძალიან მოულოდნელად მარცხენა ყურში სმენა თითქმის სულ დავკარგე. რაც მთავარია, არავის აქვს ამის ახსნა. ასე რომ, ყველაფერი უფრო გართულდა,” – თქვა მომღერალმა. „ვიფიქრე, რომ გაივლიდა… თვითონ განიკურნებოდა.”

თუმცა როგორც მუსიკოსმა განაცხადა, სმენა ჯერჯერობით არ დაბრუნებულა, რაც ნიშნავს იმას, რომ ის ტურნეების ჩატარებას ვეღარ შეძლებს. ამის ერთადერთი უპირატესობა, საიმონის თქმით, არის ის, რომ აღარ მოუწევს, დაუკრას ის სიმღერები, რომელთა შესრულებითაც უკვე დაიღალა.

„სიმღერებს, რომელთა შესრულებაც ლაივში აღარ მსურს, აღარ ვასრულებ. არის სიმღერები, რომლებიც მომწონს, მაგრამ მერე რაღაც მომენტში ტურნეს დროს ჩემს თავს ვეუბნები: „რა ჯანდაბას აკეთებ, პოლ?” ეს ხშირად ხდება სიმღერის You Can Call Me Al შესრულებისას. ვფიქრობ ხოლმე: „რას აკეთებ? პოლ საიმონის ქავერ ბენდს ემსგავსები. გზიდან გადადი და სახლში წადი.”

19 მაისს პოლ საიმონმა მეთხუთმეტე სტუდიური ალბომი Seven Psalms გამოუშვა.

Share
Tweet
Share
Share
Share

წინა სტატია

Hang Me, Oh Hang Me – ცნობილი სიმღერის განსხვავებული ვერსია SophiO-ს შესრულებით

შემდეგი სტატია

თანამედროვე ჯაზის და საგუნდო მუსიკის სინთეზი – კონსერვატორიაში ნუცი ნებიერიძის და გორის ქალთა გუნდის ერთობლივი კონცერტი გაიმართა

შეიძლება დაგაინტერესოთ

The Weeknd-მა ხანძრის შედეგად დაზარალებული ლოს-ანჯელესის დასახმარებლად 1 მილიონი დოლარი გაიღო

უფრო ადრე, არტისტმა ლოს-ანჯელესში დაგეგმილი მუსიკალური შოუ გააუქმა და ალბომის გამოცემა გადადო.
მეტი

რეჟისორი დევიდ ლინჩი 78 წლის ასაკში გარდაიცვალა

ლინჩის პროექტები სხვადასხვა დროს Billboard-ის ჩარტებშიც მოხვდა. მან ასევე იმუშავა მუსიკალურ ვიდეოებზე. მათ შორის არის ვიდეოები Nine Inch Nails-ის 2013 წლის ჰიტზე Came Back Haunted და Moby-ს 2009 წლის სიმღერაზე Shot in the Back of the Head.
მეტი

ბობ დილანი ტიკტოკს შეუერთდა

ფანების ყურადღება აპლიკაციაში მუსიკოსის დაგვიანებულმა გამოჩენამ მიიქცია - რამდენიმე დღით ადრე აშშ-ში ტიკტოკის მოსალოდნელ აკრძალვამდე.
მეტი