Killages ახალ ვიდეოკლიპს აზიარებს

Slither პირველი მუსიკალური ვიდეოა ჯგუფის ახალი ალბომიდან Outcast.

Killages მსმენელის წინაშე ახალი ვიდეოკლიპით წარდგა. Slither პირველი ვიდეოა ჯგუფის ახალი ალბომიდან Outcast, რომელიც პირველ ივლისს გამოვიდა. 

ჯაბა შავიშვილი – Killages-ის მენეჯმენტ კომპანია Bloom Music-ის წარმომადგენელი:

„ალბომი ერთი თვის გამოსულია და ჩვენი მსმენელისგან უკვე მეტ-ნაკლებად დავინახეთ განწყობა, მოლოდინი, რომელმა სიმღერამ უფრო დიდი მოწონება დაიმსახურა. პრინციპში, სანამ ალბომს გამოვუშვებდით, ჩვენც ვფიქრობდით, რომ Slither საინტერესო კომპოზიცია იყო, რომელსაც ჰქონდა პოტენციალი, რომ უფრო მეტ ადამიანს მისწვდომოდა. შემდეგ კი უკვე ალბომმაც დაგვანახა, რომ მართლაც ერთ-ერთი მთავარი კომპოზიცია გახდა ჩვენი მსმენელისთვის თავისი ენერგიით. ასე რომ, დაემთხვა ჩვენი თავდაპირველი სურვილი, რომ ვიდეოკლიპი სწორედ ამ კომპოზიციაზე გაგვეკეთებინა და მსმენელის განწყობაც, რადგან მათაც ძალიან აიტაცეს ეს სიმღერა.”

ისევე როგორც სიმღერა, მასზე გადაღებული ვიდეოკლიპიც ალბომის კონცეფციას იზიარებს და მისი მთავარი სათქმელის ვიზუალურ გაგრძელებას წარმოადგენს. 

„კლიპი მარტივი შინაარსისაა და ეხმიანება დღევანდელ სამყაროში ერთ-ერთ მნიშვნელოვან და მტკივნეულ თემას – ეს არის ინტერნეტბოტების თემა, რომლებიც არღვევენ საზოგადოებრივ წესრიგს და ცდილობენ, ონლაინ განსაზღვრონ საზოგადოებრივი აზრის მიმდინარეობა. ერთი ადამიანი შესაძლოა რამდენიმე ბოტსაც წარმოადგენდეს და მათი მიზანია, მეტ-ნაკლებად დესტაბილიზაცია გამოიწვიონ და შექმნან გარკვეული დღის წესრიგის ილუზია. ილუზია, რომ რაღაც საკითხზე საზოგადოება, ვთქვათ, აი, ასე ფიქრობს. ბევრი ძალაა დაინტერესებული ბევრი მხრიდან, რომ ჩვენ ერთმანეთთან ვერ გამოვნახოთ საერთო საკომუნიკაციო ველი და პირიქით, განსხვავებები ვეძებოთ. ეს არის ერთგვარი გაგრძელება ალბომის ძირითადი კონცეფციის და გამოხატავს იმას, რისი თქმაც ამ ალბომით გვინდა.”

Killages ახალი ალბომიდან კიდევ ერთი კომპოზიციის ვიდეოკლიპზე მუშაობს, რომელსაც, მათი თქმით, მსმენელი უახლოეს მომავალში უნდა ელოდოს.

ნახეთ ვიდეოკლიპი სიმღერაზე Slither

Share
Tweet
Share
Share
Share

წინა სტატია

როდრიგესი, ოსკაროსანი დოკუმენტური ფილმის Searching For Sugar Man-ის მთავარი გმირი, 81 წლის ასაკში გარდაიცვალა

შემდეგი სტატია

რასელ ბრენდის თქმით, კეტი პერისთან ქორწინება „ცოტა ქაოსური” იყო

შეიძლება დაგაინტერესოთ

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი

უნიკალური ტენდენციები, რომლებიც იაპონიის მუსიკალური დაჯილდოებისა და ბილბორდ იაპონიის ჩარტის შედარებამ გამოკვეთა

ნახეთ მსგავსებები და განსხვავებები წლის სიმღერის კატეგორიაში განსახილველ 256 სიმღერასა და ბილბორდ იაპონიის Hot 100-ს შორის.
მეტი