ნინო ქათამაძე ჩრდილოეთ ამერიკაში მუსიკალურ ტურნეს მართავს. მომღერალთან ერთად ტურნეში იმყოფებიან ჯგუფი „ინსაითი” და მუსიკოსები პაპუნა შარიქაძე და ხონძი. ტურნემ სტარტი 22 სექტემბერს ლოს ანჯელესში, Wilshire Ebell Theatre-ში აიღო. სოციალურ ქსელში მუსიკოსი კონცერტიდან ვიდეოს აქვეყნებს, სადაც ჩანს, რომ საღამომ სრული ანშლაგითა და მაყურებლის დიდი ოვაციებით ჩაიარა.
ამერიკული ტურნე მოიცავს კონცერტებს აშშ-ისა და კანადის 5 ქალაქში: ლოს ანჯელესი, სან-ფრანცისკო, სიეტლი, ტორონტო, ატლანტიკ სიტი და ჩიკაგო.
„მსოფლიოში ცნობილი ჯაზის სენსაცია ნინო ქათამაძე და მისი ბენდი „ინსაითი” დიდი ხნის ლოდინის შემდეგ აშშ-სა და კანადაში ტურნეს გამართავენ. ბენდმა მსოფლიო აღიარება ჯაზის, ბლუზისა და მსოფლიო მუსიკის უნიკალური ნაზავით მოიპოვა. ასევე ნინოს ემოციური ხმით, რომელიც ატყვევებს აუდიტორიას მთელი მსოფლიოს გარშემო. მათ შემოქმედებას აღწერენ, როგორც მარტოობის მუსიკალურ მკურნალსა და სტრესის საწინააღმდეგო საშუალებას. ეს ის ტურნეა, რომელიც მუსიკის მოყვარულებმა არ უნდა გამოტოვონ,” – წერს ამერიკული ონლაინ პლატფორმა, სადაც ნინო ქათამაძის ტურნეს ბილეთების შეძენაა შესაძლებელი.
ნინო ქათამაძის ამერიკული ტურნე პირველ ოქტომბერს ჩიგაკოში დასრულდება.
ნახეთ ტურნეს განრიგი:
