8 მარტს Billboard Georgia Stage „ბასისტების დედოფალს” – ნიკ უესტს უმასპინძლებს

კონცერტი „რესპუბლიკაში“ გაიმართება.

„ქალი ლენი კრავიცი,” – დეივ სტიუარტი.

„საოცარი სცენურობა… ის ისეთივე შთამაგონებელია ჩემთვის, როგორებიც როზი და შეილა იყვნენ,” – „პრინცი”.

საუბარია ახალგაზრდა ბასისტსა და მომღერალ ნიკ უესტზე. 35 წლის ასაკში მან უკვე მოასწრო ისეთ მუსიკოსებთან თანამშრომლობა, როგორებიც არიან ქუინსი ჯონსი, „პრინცი”, მეისი გრეი, ჯონ მაიერი და სხვები. 2012 წლიდან უესტი თვით „პრინცის” ბასისტი იყო. 

როგორც ამბობენ, ნიკ უესტი უბრალოდ მუსიკოსი არ არის: მას ინდივიდუალურობის განსახიერებას უწოდებენ. უნიკალური სტილი, რომელიც მხოლოდ მისთვისაა დამახასიათებელი, მსმენელს საკუთარი თავის აღმოჩენისა და თავისუფლებისკენ უბიძგებს. უესტის მუსიკა მრავალჟანრულია და მისი თითოეული ნოტი დაწესებულ საზღვრებს არღვევს.  „მისი თაობის საკულტო ბასისტი,” – ასე მოიხსენია ის გამოცემამ Rolling Stone. ფრანგულმა Rolling Stone-მა კი მას ბასისტების დედოფალი უწოდა. თუმცა უესტი მხოლოდ ბასზე დაკვრით არ გამოირჩევა. მისი ემოციური ვოკალი ზუსტად ზემოქმედებს მსმენელის გრძნობებზე. უესტის მიერ შესრულებულმა AC/DC-ის Back In Black-ის ქავერ ვერსიამ როკის თაყვანისმცემლები აღაფრთოვანა და მუსიკოსი სტივენ ტაილერის ახალ ფავორიტად აქცია.

ნიკ უესტის მუსიკალური კარიერა ბავშვობიდან დაიწყო, როცა 13 წლის ასაკში მამამ გიტარაზე დაკვრა ასწავლა. მისი პირველი ბენდის წევრები კი მისივე დები და უფროსი ძმა იყვნენ. ზოგიერთ მათგანთან ის დღემდე განაგრძობს მუსიკალურ თანამშრომლობას.

მიუხედავად იმისა, რომ უესტის მუსიკალური გზა გიტარით დაიწყო, თავისი მოწოდება მან ოდნავ მოგვიანებით აღმოაჩინა, როცა პირველად მოუსმინა მაიკლ ჯექსონის სიმღერას Wanna be Startin Somethin. მას შემდეგ ბას-გიტარა მისი მუდმივი თანამგზავრი გახდა.

8 მარტს კი „ბასისტების დედოფალი” თავისი განუყრელი ინსტრუმენტითა და უნიკალური ვოკალით თბილისს ეწვევა. კონცერტი Billboard Georgia Stage-ის ფარგლებში, ტრადიციულად, „რესპუბლიკაში” გაიმართება. 

ბილეთების შესაძენად ეწვიეთ ბმულს.

Share
Tweet
Share
Share
Share

წინა სტატია

TikTok-იდან პოპულარული სიმღერების მესამედზე მეტი წაიშალა

შემდეგი სტატია

Super Bowl 2024 – ყველაზე ყურებადი შოუს პირდაპირ ტრანსლაციას ექსკლუზიურად „სილქ უნივერსალი” შემოგთავაზებთ

შეიძლება დაგაინტერესოთ

1971 – გოგი ძოძუაშვილმა, პროექტით Post Industrial Boys, ავტობიოგრაფიული ალბომი წარადგინა

„Post Industrial Boys თავიდანვე პერსონალური პროექტი იყო. ვაკეთებდი იმას, რაც მე მომწონდა და მინდოდა. ეს პროცესი თავისთავად უამრავ ექსპერიმენტსაც მოიცავდა.”
მეტი

უიტნი ჰიუსტონის შესახებ გადაღებული ფილმის პროდიუსერებს Sony Music საავტორო უფლებების დარღვევისთვის უჩივის

მუსიკალური გიგანტის თქმით, მიუხედავად სალიცენზიო კონტრაქტის გაფორმებისა, ფილმის საპროდიუსერო კომპანიებს მათთვის თანხა არ გადაუხდიათ.
მეტი