ცნობილი გერმანელი DJ და პროდიუსერი მატიას მეიერი ელექტრონულ სცენაზე 2000-იანი წლების დასაწყისში გამოჩნდა და მისი ტრეკები ელექტრონულ-ანდერგრაუნდ მუსიკის სივრცეში პოპულარული მალევე გახდა. ჰაუსის და ტექნოს ჟღერადობით გაჯერებული მისი მუსიკა ხშირ შემთხვევაში სხვადასხვა ჟანრსაც აერთიანებს და თავბრუდამხვევ ეკლექტურ მუსიკას ქმნის.
მატიას მეიერი ერთ-ერთი ყველაზე მოთხოვნადი სელექტორია მსოფლიოს მასშტაბით. მისი სეტები უნიკალურია. ორკესტრული რიტმებისა და ღრმა ჰიპნოზური მელოდიის ჭრილში მატიასის სტილი ელექტრონულ მუსიკაში უდავოდ გამორჩეულია.
მატიას მეიერი ბერლინური კლუბის, Watergate-ის თითქმის ათწლიანი რეზიდენტია. გარდა ამისა, ის Hot Since 82’s Pacha Ibiza Labyrinth-ზე იყო რეზიდენტად წარდგენილი. მატიას მეიერს რეგულარულად იწვევენ მსოფლიოს ისეთ წამყვან კლუბებსა და ფესტივალებზე, როგორიც არის London Tobacco Dock, Liverpool’s Circus, Fabrik Madrid, Rex Paris და სხვა მრავალი. მისი შექმნილი მუსიკა კი ბევრი წამყვანი დიჯეის შთაგონების წყაროდ იქცა. მატიას მეიერი ცნობილია თავისი დინამიური დიჯეი პერფორმანსითაც.
კლუბ Noble Savage-ში 24 თებერვალს კარი 23:00 საათზე გაიღება, ბილეთების შეძენა კი TKT.ge-ს საშუალებით შეგეძლებათ.
