SEPULTURA ბრაზილიურ-ამერიკული მეტალ ჯგუფია, რომელიც მსოფლიოში ერთ-ერთ ყველაზე გავლენიან და წარმატებულ ბენდად ითვლება. ჯგუფი 1984 წელს ბრაზილიაში, ქალაქ სანტოსში დაარსდა და თავის ჟანრში არაერთი თაობის მუსიკოსზე მოახდინა გავლენა.
ჯგუფის წევრები 40-წლიან კარიერას გლობალური ტურით აღნიშნავენ – Celebrating Life Through Death გამოსამშვიდობებელი ტურნეა, რითაც ჯგუფი აქტიურ მუსიკალურ მოღვაწეობას დაასრულებს.
ტურნე განსაკუთრებულია არა მხოლოდ საიუბილეო თარიღით, არამედ იმითაც, რომ რამდენიმე მნიშვნელოვან კონცერტს მოიცავს; საქართველოში მათი ორი შოუ – 28 ივლისს თბილისში, Elektrowerk-ის სცენაზე და 30 ივლისს ბათუმში, Circus Arena-ზე გაიმართება.
SEPULTURA-ს ქართველი მსმენელის წინაშე გამოსვლა კიდევ ერთხელ გაუსვამს ხაზს ჯგუფის უკვდავ მუსიკალურ მემკვიდრეობას. აღსანიშნავია, რომ ბენდი საქართველოს პირველად 2015 წელს ესტუმრა და Elektrowerk-ის სცენაზე დაუვიწყარი პერფორმანსით წარდგა.
SEPULTURA – არის ჯგუფი, რომელმაც მეტალის ჟანრს ახალი ჟღერადობა და მიმართულებები შესძინა. ბენდის მუსიკალური კარიერა 15 ალბომს და 20 მილიონზე მეტ გაყიდულ ჩანაწერს ითვლის.
განსაკუთრებით აღსანიშნავია SEPULTURA-ს მერვე სტუდიური ალბომი Roots, რომელიც 1996 წელს გამოვიდა. იგი არა მხოლოდ ბენდის კარიერაში, არამედ მთელი მეტალ მუსიკის ისტორიაში ერთ-ერთ ყველაზე გავლენიან და გულშემატკივრების მიერ აღიარებულ ალბომად ითვლება. Roots გახდა ალბომი, რომელმაც მეტალის ჟანრში ახალი თეორიები ჩამოაყალიბა. მასში მძიმე მეტალის, ტრადიციული ბრაზილიური ხმოვანი ელემენტებსა და ნიუ-მეტალ სტილის სინთეზია.
ბენდის Celebrating Life Through Death ტური უდიდესი მუსიკალური მოვლენაა, რომელიც საშუალებას გაძლევთ, იხილოთ SEPULTURA-ს ცოცხალი შესრულება საქართველოში. ამასთან, ეს არის ისტორიული შანსი, რადგან ჯგუფი თავის მუსიკალურ კარიერას სწორედ ამ ტურნეს ფარგლებში დაასრულებს.
ბილეთების შეძენა უკვე შესაძლებელია tkt.ge-ს ვებ გვერდზე
