17 დეკემბერს „თათუზას” მრავალფეროვან პროგრამას კიდევ ერთი განსაკუთრებული საღამო შეემატება. მსმენელის წინაშე წარდგებიან კარაიანის აკადემიის მუსიკოსები და მსახიობი ნინო კასრაძე. შესრულდება საერთაშორისო კამერული მუსიკა – შოსტაკოვიჩის, სილვესტროვის, რიმისა და შუმანის ნაწარმოებები, რომელთა ფონზეც ნინო კასრაძე ლიტერატურულ ჩანართებს წაიკითხავს.
კარაიანის აკადემია მუსიკალური სკოლაა ბერლინში, რომელიც 1972 წელს ავსტრიელმა დირიჟორმა ჰერბერტ ვონ კარაიანმა ბერლინის ფილარმონიული ორკესტრის აკადემიის სახელით დააარსა. აკადემია სწორედ ბერლინის ფილარმონიული ორკესტრისთვის მომავალი თაობების გაზრდას ემსახურება. თუმცა მისი კურსდამთავრებულები ასევე უკრავენ მსოფლიოს სხვა ცნობილ ორკესტრებშიც. 2017 წელს აკადემიას კარაიანის სახელი მიენიჭა.
„თათუზას” სცენაზე წარდგებიან აკადემიის მუსიკოსები: ჰარი ფრედერიკ კელერ უარდი – ვიოლინო; ბეატა ანტიკაინენი – ჩელო; ნორა ტულია იულნენი – ფორტეპიანო.
ღონისძიების დასაწყისი 20:00 საათი. კარის გაღების დრო – 19:30.
ამავე საღამოს ჯაზკლუბში მეორე კონცერტიც შედგება. მსმენელის წინაშე რობ კლირფილდის კვარტეტი წარდგება.
ბილეთების შეძენა შესაძლებელია როგორც ონლაინ, ასევე ადგილზე.
