„ერთი წელია, რაც რუსთაველის გამზირი იქცა უწყვეტი პროტესტის კერად. ჩვენი ქვეყნის უახლესი ისტორიის გამარჯვებები და ტკივილები აქ არის აღბეჭდილი და კვლავ აქ იწერება მისი ისტორია. აქ ვზეიმობთ და ვგლოვობთ, ვხვდებით ახალ წელს ერთად, რადგან აქ ვართ უწყვეტად 400 დღე და აქ ვიქნებით, სანამ ამის საჭიროება იქნება. იმიტომ, რომ სხვანაირად არ შეგვიძლია, და იმიტომ, რომ შვილები არ გვაპატიებენ დანებებას. აქ ვხვდებით ყველა – განუსაზღვრელად მრწამსისა თუ შეხედულებებისა, პროფესიის თუ ასაკისა, რადგან ეს ქვეყანა ყველასია და მხოლოდ ერთად შეგვიძლია მისი უკეთესი მომავლის შენება.“ – აღნიშნულია ღონისძიების ორგანიზატორთა განცხადებაში.
საპროტესტო კონცერტში სხვადასხვა თაობისა და ჟანრის მუსიკოსები მონაწილეობენ.
„სმპკ-ის პრიორიტეტი მუსიკოსების მრავალფეროვნება და მათი ერთიანობაა. 31 დეკემბერს სრულდება 400 დღე უწყვეტი პროტესტისა. გვესმის, რომ ამ ადამიანებისთვის ტრადიციული საახალწლო ქალაქი მიუღებელია, თუმცა ისინიც იმსახურებენ სადღესასწაულო განწყობას.
სწორედ ამიტომ, სხვადასხვა ორგანიზაციებთან ერთად გადავწყვიტეთ, შევქმნათ ალტერნატიული სივრცე. სასიხარულოა, რომ ყველა მონაწილე მუსიკოსმა ღონისძიებაში ჩართვის სურვილი თავად გამოთქვა.” – ოთო ბერძენიშვილი, საქართველოს მუსიკოსთა პროფესიული კავშირის თავმჯდომარე.
