ესპანელი მომღერალი Rosalía, ახალი ალბომის – Lux-ის მხარდამჭერი ტურნეს ფარგლებში, პარიზში გამართულ კონცერტზე მაყურებლის წინაშე ახალი პერფორმანსით წარსდგა.
ეკრანზე გაშვებული ვიდეო აღსარების რიტუალის მსგავსი ვიზუალური ნამუშევარია, რომელშიც მუსიკოსთან ერთად ქართველი მსახიობი სალომე თოფურია გამოჩნდა. სალომე ცნობილი მსახიობის, ნინო კასრაძის შვილია.
რაც შეეხება ვიდეო პერფორმანსს, ნამუშევარი მუსიკოსის მსოფლიო ტურნეს მხატვრული კონცეფციის ნაწილია.
Rosalía-ს მსოფლიო ტურნე – LUX TOUR 2026 სულ რამდენიმე დღის წინ, 16 მარტს, საფრანგეთში დაიწყო. ტურნე მოიცავს არაერთ ქვეყანას, მათ შორის ევროპის დიდ ქალაქებს: პარიზს, მილანს, მადრიდს, ლონდონს; ჩრდილოეთ ამერიკას: ნიუ-იორკს, მაიამის, ლოს-ანჯელესს და ასევე ლათინურ ამერიკას.
ტურნე თეატრალური სანახაობაა. ის აერთიანებს ბალეტის ელემენტებს, ოპერის ესთეტიკას და თანამედროვე ვიზუალურ არტს. LUX TOUR 2026 წლის 3 სექტემბერს პუერტო-რიკოში დასრულდება.
