წინანდლის ფესტივალს მსოფლიოს ერთ-ერთი წამყვანი დირიჟორი მანფრედ ჰონეკი შეუერთდება

ჰონეკი 6 სექტემბერს ფესტივალის სცენაზე პან-კავკასიურ ორკესტრს უდირიჟორებს.

6 სექტემბრის გახსნით კონცერტზე მსმენელი მევიოლინე მიხაელ ბარენბოიმისა და პიანისტ ჟულიენ კანტენის დუეტს იხილავს. მუსიკოსები რაველის, მესიანისა და სხვა ცნობილი კომპოზიტორების ნაწარმოებებს შეასრულებენ. დღის ბოლოს კი წინანდლის ფესტივალის სცენაზე კვლავ პან-კავკასიური ორკესტრი წარდგება პიანისტ მაო ფუჯიტასთან ერთად. ორკესტრს ამჯერად ავსტრიელი დირიჟორი მანფრედ ჰონეკი უხელმძღვანელებს. 

ყველასგან გამორჩეული ინტერპრეტაციებით მანფრედ ჰონეკმა მყარად დაიმკვიდრა ადგილი მსოფლიოს წამყვან დირიჟორებს შორის. უკვე 15 სეზონია, რაც ჰონეკი პიტსბურგის სიმფონიური ორკესტრის მუსიკალური დირექტორია. სამშობლოსა და მის საზღვრებს გარეთ აღიარებული ორკესტრი ჰონეკის ხელმძღვანელობით რეგულარულად სტუმრობს ისეთ დარბაზებს, როგორებიცაა კარნეგი-ჰოლი და ლინკოლნის ცენტრი ნიუ-იორკში. მონაწილეობს ისეთ ფესტივალებზე, როგორებიცაა BBC Proms, ზალცბურგის, ბერლინის, რაინგაუს, ბონის ბეთჰოვენის სახელობისა და გრაფენეგის ფესტივალები. 2022 წელს ორკესტრმა პირველი საერთაშორისო ტურნეს 75 წლის იუბილე სამკვირიანი კონცერტების სერიით აღნიშნა, რომლებიც ასევე წამყვან ევროპულ ფესტივალებზე შედგა. 

მანფრედ ჰონეკის შემოქმედება Reference Recordings-ის ლეიბლით არაერთ ალბომად არის გამოცემული. მრავალი ჯილდოს გარდა, ჩანაწერები ექვსჯერ იყო ნომინირებული გრემიზე. 2018 წელს კი ჰონეკი და მისი ორკესტრი საუკეთესო საორკესტრო ჩანაწერის ნომინაციაში გრემის მფლობელები გახდნენ. 

მანფრედ ჰონეკი აშშ-ს რამდენიმე უნივერსიტეტის საპატიო დოქტორია. ავსტრიის პრეზიდენტმა კი მას პროფესორის საპატიო წოდება მიანიჭა. 2018 წელს კონკურსის International Classical Music Awards-ის ჟიურიმ მანფრედ ჰონეკი წლის არტისტად დაასახელა. 

Share
Tweet
Share
Share
Share

წინა სტატია

ლიზი გოზალიშვილი - მუსიკოსი, ფოტო: ნინუცა კაკაბაძე

ლიზი გოზალიშვილის – Space Oddity

შემდეგი სტატია

The Weeknd-მა თავის კარიერაში ბოლო მუსიკალური კოლაბორაცია Diddy-ის ალბომისათვის ჩაწერა

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი