ხმის ჩამწერი ლეიბლის, Top Dawg Entertainment-ის პრეზიდენტმა ტერენს ჰენდერსონმა კენდრიკ ლამართან საუბრის სქრინი გააზიარა მას შემდეგ, რაც მუსიკოსის ფოტოზე სახალისო კომენტარი გააკეთა. ლამარისა და დრეიკის შუღლის პირობებში ჰენდერსონმა კენდრიკს ფოტოზე დაუწერა: Certified Loverboy, რაც დრეიკის 2021 წლის ალბომის სახელწოდებაა.
კომენტარის შემდეგ კი ჰენდერსონმა პირდაპირ ლამარს მისწერა:
– რას აკეთებ, ძმაო?
– მგონი, კარგად ვარ ამ ფოტოზე. თავი ვერ შევიკავე, – უპასუხა ლამარმა ტირილის და სიცილი „ემოჯებით”.
საუბრის ბოლოს კი ჰენდერსონმა ლამარს სქრინის დადების ნებართვა სთხოვა. „ამის ატვირთვის ნება უნდა მომცე. ვტირი,” – წერს ჰენდერსონი.
კენდრიკ ლამარის აღნიშნული ფოტო იანვარში პარიზის გაზაფხული-ზაფხულის მოდის კვირეულზეა გადაღებული. შოუს კურატორი ლამარი და მისი კრეატიული კომპანია pgLang იყო.
ნახეთ პოსტები:
Kendrick Lamar for CHANEL, 2024 pic.twitter.com/vcNonfeLEu
— HARDEST FIT PICS (@HardestFitPics) May 28, 2024
😂😂😂. Too funny man. pic.twitter.com/XtFlqWX0jo
— Punch TDE (@iamstillpunch) May 29, 2024
