ანიმაციური ფილმი Smurfs-ის ახალი ტრეილერი უკვე გამოვიდა, სადაც Rihanna სმურფეტის როლს ასრულებს. ანიმაციაში ასევე გაჟღერდება სიმღერა რომელსაც Cardi B, DJ Khaled, Natania და Subhi ასრულებენ.
ფილმის ტრეილერში, რომელიც 6 თებერვალს გამოვიდა, Rihanna თავად ჰყვება სმურფეტის შესახებ: „ჰეი ყველას, მე Rihanna ვარ და სმურფეტის როლს ვასრულებ ახალ ანიმაციურ ფილმში Smurfs. მოუთმენლად ველი, როდის იხილავს მას მაყურებელი ამ ზაფხულს.” – ამბობს არტისტი ვიდეოს დასაწყისში.
Smurfs-ის თავგადასავლებით სავსე ფილმის ტრეილერში მაყურებელი Rihanna-ს ვოკალს მარტივად ამოიცნობს, კლიპის დასასრულს კი Rihanna- ბელინდა კარლაილის 1987 წლის ჰიტის ქავერ ვერსიას Heaven Is a Place on Earth-ს ასრულებს. ტრეილერში ასევე გაიჟღერა ახალმა სიმღერამ Higher Love, სადაც Cardi B, DJ Khaled, Natania და Subhi C-იც მონაწილეობენ.
ანიმაციურ ფილმში Smurfs მონაწილეობას ასევე იღებენ: ჯეიმზ კორდენი, ნიკ ოფერმანი, JP Karliak, დენი ლევი, ემი სედარისი, ნატაშა ლიონი, კურტ რასელი, ჯონ გუდმენი, სანდრა ოუ, ოქტავია სპენსერი, ნიკ კროლი, ჰანა ვედინგჰემი, ალექს უინტერი, მაია ერსკინი, ბილი ლურდი და შოლო მარიდუენი.
ფილმი კინოთეატრებში 18 ივლისს გამოჩნდება.
Rihanna-მ ახალი ანიმაციური ფილმის შესახებ ტრეილერის გამოსვლამდე სმურფების სოფლის შესახებ სოციალურ ქსელში დაწერა: „მე ჩემს ლურჯ ეპოქაში.”
ნახეთ Smurfs -ის ტრეილერი:
