მას შემდეგ, რაც ერთ-ერთმა გულშემატკივარმა Tyler, the Creator-ს სთხოვა, რომ Don’t Tap the Glass-ის ე.წ. „სუფთა ვერსია” სტრიმინგ პლატფორმებზე დაედო, გრემის მფლობელმა არტისტმა თხოვნა გაიზიარა და 25 ივლისს მართლაც შეუსრულა ფანს სურვილი.
ალბომის დაცენზურებული ვერსია ახლა უკვე ხელმისაწვდომია Apple Music-ზე. ეს არის პირველი შემთხვევა, როცა ტაილერი თავისი მუსიკის „სუფთა ვერსიებს” სტრიმინგ პლატფორმებზე ოფიციალურად აქვეყნებს.
ფანმა ტაილერს ტვიტერის პოსტის მეშვეობით 22 ივლისს მიმართა იმ იმედით, რომ პატარა ძმასთან ერთად შეძლებდა ალბომის მოსმენას: „სუფთა ვერსიას როდის გამოუშვებ? ჩემს პატარა ძმასაც უნდა ცეკვა!“
მცდელობამ შედეგი გამოიღო – რამდენიმე საათში ტაილერმა უპასუხა, რომ ამაზე იმუშავებდა. მალევე, რამდენიმე დღეში, არტისტმა დანაპირები შეასრულა და X-ზე დაწერა: „მზადაა. DON’T TAP THE GLASS-ის სუფთა ვერსია უკვე ხელმისაწვდომია.“
on it https://t.co/Iz3VR1GvvP
— T (@tylerthecreator) July 22, 2025
DONT TAP THE GLASS
— T (@tylerthecreator) July 25, 2025
clean version OUT NOW pic.twitter.com/FZxpBFG0X2
Don’t Tap the Glass 21 ივლისს გამოვიდა და 10 ტრეკს მოიცავს. ალბომში მონაწილეობენ ფარელ უილიამსი, Yebba და მედისონ მაკფერინი.
მიუხედავად იმისა, რომ ტაილერმა სულ ახლახან გამოუშვა თავისი მეცხრე სტუდიური ჩანაწერი, ის ჯერ კიდევ ალბომ Chromakopia-ს მხარდასაჭერი ტურნეს ფარგლებში ატარებს შოუებს. ჩრდილოამერიკული ტური პარასკევს ტორონტოში გაგრძელდება, შემდეგ კი Tyler, the Creator ნიუ ჯერსიში ორ კონცერტს გამართავს.
მოუსმინეთ Don’t Tap the Glass-ის „სუფთა ვერსიას”.
