პოპულარული ამერიკელი რეპერი და მომღერალი, დოჟა ქეთი მუსიკალური მოღვაწეობის განმავლობაში პირველად ჩარტის Billboard Artist 100 სათავეში მოხვდა, რაც 2021 წლის ალბომის Planet Her წარმატებამ და ცხელ ასეულში მისი 5 სინგლის ერთდროულად მოხვედრამ განაპირობა.
ამჟამად Billboard Hot 100-ში დოჟას ისეთ ჰიტებს ვხვდებით, როგორიცაა: Woman, Need to Know, You Right, Freaky Deaky და Get Into It (Yuh). რაც შეეხება სტუდიურ ჩანაწერს, ის ალბომების ჩარტში მე-6 პოზიციაზეა და უკვე 44-ე კვირაა, რაც ტოპ 25 ნამუშევარს შორისაა.
ჩარტი Billboard Artist 100 ზომავს არტისტის აქტივობას მისი ალბომებისა და ტრეკების გაყიდვების, ასევე, რადიოში მისი ნამუშევრების გაშვების მოთხოვნებისა და სხვადასხვა პლატფორმაზე კომპოზიციების მოსმენების რაოდენობის მიხედვით.
